Zialenski: Kali Bajden nie padtrymaje Płan pieramohi Ukrainy, my atrymajem vielmi doŭhuju vajnu
Prezident Ukrainy Uładzimir Zialenski ŭ intervju amierykanskamu vydańniu The New Yorker adznačyŭ, što Płan pieramohi, jaki maje Ukraina, raspracavany z ulikam padtrymki prezidenta ZŠA Džo Bajdena.
Kali prezident ZŠA jaho nie padtrymaje, Ukraina praciahnie žyć pa płanie B (ciapierašnim).
«Heta aznačała b, što Bajden nie choča skončyć vajnu sposabam, jaki pazbaŭlaje Rasiju pieramohi. I my b atrymali vielmi doŭhuju vajnu — niemahčymuju, źniasilvajučuju situacyju, jakaja pryviadzie da hibieli vielizarnaj kolkaści ludziej.
Skazaŭšy heta, ja nie mahu ni ŭ čym vinavacić Bajdena. Urešcie, jon zrabiŭ mahutny, histaryčny krok, kali vyrašyŭ padtrymać nas u pačatku vajny, što padšturchnuła inšych našych partnioraŭ zrabić toje ž samaje. My pryznajem vialikaje dasiahnieńnie Bajdena ŭ hetych adnosinach. Hety jaho krok užo byŭ histaryčnaj pieramohaj».
Zialenski zaŭvažyŭ, što prymusić Pucina sieści za stoł pieramovaŭ moža mocnaja Ukraina. «Prosta raniej ja tolki kazaŭ pra heta, a ciapier vykłaŭ usio heta na papiery, z kankretnymi arhumientami i kankretnymi krokami, jakija ŭzmocniać Ukrainu na praciahu kastryčnika, listapada i śniežnia i zrobiać mahčymym dypłamatyčnaje zaviaršeńnie vajny.
Roźnica na hety raz budzie zaklučacca ŭ tym, što Pucin zrazumieje hłybiniu hetaha płana i addanaść našych partnioraŭ našamu ŭmacavańniu, a taksama ŭśviadomić važny fakt: kali jon nie hatovy skončyć hetuju vajnu sumlennym i spraviadlivym sposabam, a zamiest hetaha žadaje praciahvać sproby źniščyć nas, to mocnaja Ukraina nie dazvolić jamu hetaha zrabić. Mała taho, praciah pieraśledu hetaj mety taksama značna asłabić Rasiju, što pastavić pad pahrozu ŭłasnuju pazicyju Pucina».
Jak piša Bloomberg, hety płan praduhledžvaje zaprašeńnie Ukrainy ŭstupić u NATO, a ZŠA pa im abaviazujecca stała pastaŭlać sučasnaje ŭzbrajeńnie.
Padrabiaznuju viersiju Płana pieramohi Zialenski źbirajecca pradstavić Bajdenu padčas ich sustrečy ŭ Vašynhtonie 26 vieraśnia.
Kamientary
Ŭ inšuju čyju kadencyju ja b nie navažyŭsia, bažusia Dziaržynskim!