Bajavyja dziejańni ŭ akvatoryi Čornaha mora nanieśli katastrafičny ŭdar pa papulacyi delfinaŭ. Pavodle acenak ukrainskaha bijołaha Ivana Rusieva z Nacyjanalnaha parku «Tuzłoŭskija limany», z pačatku 2022 hoda kolkaść zahinułych marskich mlekakormiačych moža dasiahać 100 tysiač asobin.
Jak adznačyŭ navukoviec u intervju niamieckamu vydańniu ZDF heute, maštaby trahiedyi składana acanić vizualna, pakolki na ŭźbiarežža vykidvajecca tolki kala piaci pracentaŭ miortvych žyvioł, astatnija apuskajucca na dno. Tolki za pieršy tydzień červienia 2026 hoda na bierahavoj linii ŭkrainskaha nacyjanalnaha parku byli znojdzienyja 43 miortvyja delfiny. Da pačatku vajny hety pakazčyk składaŭ 4‑5 žyvioł za ŭvieś hod. Źviestki pra rost kolkaści vykinutych na bierah delfinaŭ pastupajuć i ź inšych čarnamorskich krain.
Hałoŭnaj pryčynaj masavaj hibieli źjaŭlajecca vajennaja dziejnaść Rasii. Mahutnyja vajennyja sanary, padvodnyja drony i vybuchi marskich min razburajuć słych delfinaŭ. Straciŭšy słych i aryjentacyju ŭ prastory, žyvioły hublajuć zdolnaść palavać i hinuć ad hoładu. Jašče adnym faktaram źjaŭlajecca chimičnaje zabrudžvańnie. Źniščeńnie Kachoŭskaj HES, napady na partovuju infrastrukturu i patapleńnie vajennych karabloŭ z palivam i bojeprypasami pryviali da vykidu vielizarnaj kolkaści taksičnych rečyvaŭ. Delfiny, znachodziačysia na viaršyni charčovaha łancuha, nazapašvajuć u arhaniźmie ciažkija mietały, što pryvodzić da atručvańnia.
Bijołahi papiaredžvajuć, što źniknieńnie takoha maštabu pahražaje kałapsam usioj ekasistemy Čornaha mora, što niepaźbiežna paŭpłyvaje na papulacyi drobnych ryb i parušyć ekałahičnuju raŭnavahu. Dakładnyja maštaby ekałahičnaj katastrofy navukoŭcy zmohuć acanić tolki paśla zakančeńnia vajny.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna13
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary
V tom čiśle i tipki vahnierki, v popytkie ostanovki okurka, pod komandovanijem Prihožina, obos....iś.....i lehli pod fsb.