«Ad dačy pakazańniaŭ admoviŭsia». Hienprakuratura — pra mahiloŭca, jaki adbivaŭsia ad hubazikaŭcaŭ
Pres-słužba Hienieralnaj prakuratury vydała karotki videareliz adnosna spravy z učarašnim nibyta «napadam» na supracoŭnikaŭ HUBAZiKa ŭ Mahilovie. Jak udałosia vyśvietlić, abvinavačany ŭ napadzie — 62-hadovy Alaksandr Kandryčyn, choć aficyjna jahonaje proźvišča pakul nie nazyvajecca.
Pavodle pres-słužby Hienieralnaj prakuratury, mužčyna nanios dvum siłavikam «nie mienš za dva i piać udaraŭ nažom, u tym liku ŭ vobłaść hrudnoj kletki».
Padazravany byŭ zatrymany, a ad dačy pakazańniaŭ jon, jak śćviardžajecca, admoviŭsia.
U mužčyny nibyta zabrali «małakalibierny pistalet z 46 patronami da jaho, try hilzy, čatyry kuli, kampjutarnuju techniku, nie mienš za 10 nažoŭ». Ciapier ź imi pravodziacca ekśpiertyzy.
Naprykancy karotkaha paviedamleńnia načalnik upraŭleńnia Hienieralnaj prakuratury Valeryj Taŭkačoŭ pahražaje ŭsim tym, chto «nastrojeny na supraćpraŭny ład, a tym bolš padymie ruku na pravaachoŭnika».
Ciapier čytajuć
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju2020
Kamientary