«Ад дачы паказанняў адмовіўся». Генпракуратура — пра магілёўца, які адбіваўся ад губазікаўцаў
Прэс-служба Генеральнай пракуратуры выдала кароткі відэарэліз адносна справы з учарашнім нібыта «нападам» на супрацоўнікаў ГУБАЗіКа ў Магілёве. Як удалося высветліць, абвінавачаны ў нападзе — 62-гадовы Аляксандр Кандрычын, хоць афіцыйна ягонае прозвішча пакуль не называецца.
Паводле прэс-службы Генеральнай пракуратуры, мужчына нанёс двум сілавікам «не менш за два і пяць удараў нажом, у тым ліку ў вобласць грудной клеткі».
Падазраваны быў затрыманы, а ад дачы паказанняў ён, як сцвярджаецца, адмовіўся.
У мужчыны нібыта забралі «малакаліберны пісталет з 46 патронамі да яго, тры гільзы, чатыры кулі, камп'ютарную тэхніку, не менш за 10 нажоў». Цяпер з імі праводзяцца экспертызы.
Напрыканцы кароткага паведамлення начальнік упраўлення Генеральнай пракуратуры Валерый Таўкачоў пагражае ўсім тым, хто «настроены на супрацьпраўны лад, а тым больш падыме руку на праваахоўніка».
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары