U Mahilovie mužčyna adbivaŭsia ad hubazikaŭcaŭ nažom
Z mahiloŭcam chacieli pravieści «prafiłaktyčnuju hutarku». Na milicejskaj movie heta zvyčajna aznačaje zatrymańnie.
«Apieratyŭniki 11-ha ŭpraŭleńnia HUBAZiK MUS apaznali miascovaha žychara, datyčnaha da ekstremisckaj dziejnaści. Padčas prafiłaktyčnaj razmovy mužčyna raptam dastaŭ nož i nanios udary milicyjantam», — havorycca ŭ aficyjnaj viersii milicyi.
Zastajecca niezrazumiełym, što takoje «prafiłaktyčnaja razmova», jakaja pravodzicca pasiarod vulicy? Jaje pravodziać milicyjaniery ŭ formie, jakija papiarednie pradstaŭlajucca? Ci heta nalot ludziej u spartyŭnych štanach, jakija, akazvajecca, źjaŭlajucca supracoŭnikami HUBAZiKa?
UPD. Miarkujučy pa videa śviedkaŭ, jak minimum adzin z paciarpiełych milicyjanieraŭ staić u džynsach. Nijakaha namioku na formu niama.
Pieršymi paviedamili navinu mahiloŭskija pabliki. I jany kazali, spasyłajučysia na vidavočcaŭ, pra «napad na dvuch čałaviek». To-bok śviedki incydentu nie identyfikavali ŭdzielnikaŭ kanfliktu jak siłavikoŭ.
Pavodle milicejskaj zajavy, u zatrymanaha mužčyny znajšli jašče adzin nož i pistalet.
Na miesca zdareńnia pajechaŭ ministr unutranych spraŭ Ivan Kubrakoŭ.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB44
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary