Stała viadomaje imia mužčyny, zatrymanaha ŭ Mahilovie za nibyta napad na hubazikaŭcaŭ
Heta 62-hadovy žychar Mahilova Alaksandr Kandryčyn.
MUS pakazała videa z zatrymanym mužčynam, jaki, pa viersii siłavikoŭ, parezaŭ dvaich hubazikaŭcaŭ. Heta 62-hadovy žychar Mahilova Alaksandr Kandryčyn.
Incydent adbyŭsia ranicaj 23 vieraśnia. Da Kandryčyna ŭ centry Mahilova padyšli supracoŭniki HUBAZiKa ŭ cyvilnym adzieńni. Pa viersii milicyi — «dla prafiłaktyčnaj razmovy», choć pa zakanadaŭstvie pasiarod vulicy nie moža adbyvacca padobnych jurydyčnych dziejańniaŭ.
Pa słovach Kandryčyna, jamu pakazali «niejkuju kartku». Što adbyvałasia paźniej, nie da kanca zrazumieła.
Pa viersii milicyi, Kandryčyn dastaŭ nož i staŭ adbivacca. Śćviardžajecca, što byli paranienyja dva hubazikaŭcy, adzin ź ich znachodzicca ŭ reanimacyi.
U kišeni mužčyny znajšli samarobny pistalet, ale niezrazumieła, ci jon byŭ zaradžany. Kandryčyn na videa kaža, što nie pamiataje heta.
U milicejskim roliku pakazali kadry ź pieratrusu z doma mahiloŭca. Vidać roznyja nažy, častka ź jakich kuchonnyja, a taksama knihi — adna pra maniety, druhaja pra vybuchovyja rečyvy. Aproč taho, uzhadvajecca, što ŭ mužčyny byli knihi pa psichałohii i «ekstremisckaja litaratura» — mahčyma, havorka pra pieradvybarčy płakat Śviatłany Cichanoŭskaj.
«Tak atrymałasia», — kaža pra incydent Kandryčyn.
Siłaviki zaviali kryminalnuju spravu za zamach na zabojstva.
«Naša Niva» — bastyjon biełaruščyny
PADTRYMAĆCiapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk45
Kamientary