U Skidzieli daišniki ŭ pahoni stralali pa kołach — akazałasia, kiroŭca śpiašaŭsia na dyskateku
Pahonia sa stralaninaj adbyłasia ranicaj u Hrodzienskim rajonie.
U čatyry ranicy supracoŭniki DAI vyrašyli spynić aŭto Mazda dla pravierki. Adnak kiroŭca sihnał praihnaravaŭ i dadaŭ chutkaści.
Jon sprabavaŭ adarvacca pa ŭsich kanonach kino — u tym liku vilaŭ pa darozie, kab nie dać siabie apiaredzić mašynie DAI. Milicyjaniery vyrašyli stralać. Spačatku jany paru razoŭ strelili ŭ pavietra, a zatym adkryli ahoń pa kołach. Im atrymałasia paškodzić dva koły, i Mazda spyniłasia.
Jak akazałasia, za rulom znachodziŭsia 22-hadovy žychar Zelvienskaha rajona. U 2022 hodzie jaho pazbavili pravoŭ za niećviarozaje kiravańnie. Napadpitku jon byŭ i ŭ hety raz: pavodle źviestak MUS, miedycynski ahlad pakazaŭ bolš za pramile ałkaholu.
Chłopiec razam z pasažyram, ź jakim napiaredadni paznajomiŭsia na zapraŭcy, nakiroŭvalisia na dyskateku ŭ zabaŭlalnuju ŭstanovu ŭ Hrodnie.
Kiroŭcu zatrymali, na jaho skłali šeść administracyjnych pratakołaŭ. Mašynu kanfiskavali i adpravili na štrafstajanku.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary