«Zara nad Niomanam» maje stać vialikim siurpryzam vybaraŭ u Litvie
Levapapuliscki śpis uznačalvaje palityk, jakoha vyklučyli ź jaho raniejšaj partyi za antysiemickija vykazvańni.
Partyja «Zara nad Niomanam» Remihijusa Žamajtajcisa vyrvałasia ŭ trojku lidaraŭ pieradvybarnaj honki ŭ Litvie.
Apošniaje sacyjałahičnaje apytańnie kampanii Spinter tyrimai pakazała, što za hetuju novuju palityčnuju siłu hatovyja prahałasavać 16% vybarcaŭ. Heta tolki trochi mienš, čym za pravacentryscki Sajuz Ajčyny — chryścijanskich demakrataŭ (18%) i levacentrysckich sacyjał-demakrataŭ (24%).
Akramia taho, u Siejm Litvy majuć prajści Sajuz libierałaŭ, centrysckaja Partyja zialonych i sialan, sacyjalna-kansiervatyŭny Sajuz demakrataŭ «Dziela Litvy» i, mahčyma, taksama radykalna-libieralnaja Partyja svabody, jakaja bałansuje na miažy vybarčaha barjera, jaki składaje 5% hałasoŭ.
Partyi, jakija pravodziać prarasijskija i prałukašenkaŭskija naratyvy, miarkujučy pa ŭsim, vybarčaha barjera nie adolejuć.
Pieršy tur vybaraŭ u Litvie maje adbycca ŭ hetuju niadzielu, 13 kastryčnika. 71 deputata vybirajuć u adnamandatnych akruhach, 70 — pa praparcyjnaj sistemie pa partyjnych śpisach.
Partyja «Zara nad Niomanam» była zarehistravanaja ŭ studzieni 2024 hoda. Jaje zasnavalnika Remihijusa Žamajtajcisa ŭ svoj čas vyklučyli z partyi «Svaboda i spraviadlivaść» za skandalnyja vykazvańni, što rasiejcy i jaŭrei pryhniatali litoŭcaŭ i što jany niasuć vinu za spaleńnie vioski Pirčupy, litoŭskaj Chatyni, nacystami.
Na prezidenckich vybarach u mai 2024 hoda 42-hadovy Žamajtajcis niečakana sabraŭ 9,3% hałasoŭ. Jaho rezki styl pryvablivaje vybarcaŭ, asabliva z hłybinki.
«Zara nad Niomanam» zajaviła pra hatoŭnaść farmiravać urad u składzie levacentrysckaj kaalicyi — heta značyć, razam z mejnstrymavymi sacyjał-demakratami, śpis jakich uznačalvaje Vilija Blinkiavičucie.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary