Za apošni hod u Izrail repatryjavalisia 795 hramadzian Biełarusi
Biełaruś stała šostaj krainaj pa kolkaści hramadzian, jakija pierajechali ŭ Izrail z 16 vieraśnia 2023 hoda pa 19 vieraśnia 2024 hoda ŭ miežach prahramy repatryjacyi. Takija danyja źmiaščajucca ŭ sumiesnaj spravazdačy Ministerstva repatryjacyi i intehracyi Izraila i Jaŭrejskaha ahienctva (Sachnut), paviedamlaje partał vesty.co.il.
Usiaho ŭ Izrail za hety pieryjad pierajechali 31 tysiača čałaviek z amal 100 krain śvietu, havorycca ŭ dakumiencie.
Bolš za ŭsio repatryjantaŭ prybyło z Rasii — 19 850, dalej iduć ZŠA i Kanada — 3340 razam, Francyja — 1820, Ukraina — 980, Biełaruś — 795, Vialikabrytanija — 560, Arhiencina — 450, Hruzija — 320, PAR — 250.
31% repatryjantaŭ składajuć ludzi va ŭzroście ad 18 da 35 hadoŭ, 21% — 36-50, 20% — 0-17, 13% — 51-60, 5% — 61-65, astatnija — starejšyja za 65 hadoŭ. 52% repatryjantaŭ — žančyny, 48% — mužčyny.
U spravazdačy adznačajecca, što hetaja chvala repatryjacyi adbyłasia na fonie abvastreńnia situacyi ŭ rehijonie, vyklikanaha napadam hrupoŭki CHAMAS na Izrail 7 kastryčnika 2023 hoda.
U Izraili znoŭ terakt: mužčyna ź pistaletam i nažom napaŭ na minakoŭ, adzin čałaviek zahinuŭ, jašče 10 paranienyja
Prapaleścinskija aktyvisty chočuć pravieści akcyju ŭ Bierlinie ŭ hadavinu ŭvarvańnia bajevikoŭ CHAMAS u Izrail
ŚMI daviedalisia pra hibiel pierajemnika Nasrały paśla čarhovaha ŭdaru Izraila
Tramp zaklikaŭ Izrail nanieści ŭdary pa jadziernych abjektach Irana
Pamočniki Paleściny stali favarytami Nobieleŭskaj premii miru. Jak tak atrymałasia?
Ciapier čytajuć
Čamu palihraf — nie panaceja. Kolki ahientaŭ jon by vyjaviŭ u Kaardynacyjnaj radzie?14
Kamientary