Tramp zaklikaŭ Izrail nanieści ŭdary pa jadziernych abjektach Irana
Jon taksama raskrytykavaŭ Džo Bajdena za jaho miakkuju pazycyju ŭ dačynieńni da Tehierana.
Były prezident ZŠA i kandydat ad Respublikanskaj partyi Donald Tramp vykazaŭsia za naniasieńnie Izrailem udaru pa jadziernych abjektach Irana, piša Bild.
Padčas pieradvybarčaha vystupu ŭ Paŭnočnaj Karalinie Tramp zajaviŭ, što ŭ vypadku ahresii Irana varta było b spačatku nanieści ŭdar pa jaho jadziernych mahutnaściach, a potym «zaniacca inšymi pytańniami». Tramp raskrytykavaŭ ciapierašniaha prezidenta Džo Bajdena za jaho miakkuju pazicyju ŭ dačynieńni da Tehierana.
Bajden raniej zajaviŭ, što nie padtrymlivaje taki scenar i hatovy abmiarkoŭvać dziejańni ź Izrailem, pry hetym padkreślivajučy, što adkaz na iranskija dziejańni pavinien być praparcyjnym. Hetaja zajava prahučała na fonie niadaŭniaha rakietnaha ŭdaru Irana pa Izraili, jaki byŭ adkazam na izrailskuju vajskovuju apieracyju ŭ Livanie suprać «Chiezbały», a taksama likvidacyju jaje lidara Chasana Nasrały.
Tramp ža ličyć, što mienavita jadziernaja prahrama Irana — hałoŭnaja pahroza, ź jakoj nieabchodna razabracca ŭ pieršuju čarhu. Jon nahadaŭ, što padčas jaho prezidenctva ŭ 2018 hodzie ZŠA vyjšli ź jadziernaha pahadnieńnia ź Iranam.
Eks-prezident ZŠA taksama padtrymaŭ pazicyju byłoha premjer-ministra Izraila Naftali Bienieta, jaki na fonie niadaŭniaha kanfliktu zaklikaŭ da nieadkładnaha razbureńnia iranskaha jadziernaha prajekta.
Eskałacyja kanfliktu na Blizkim Uschodzie praciahvajecca: u vyniku apošniaj iranskaj ataki było vypuščana kala 200 rakiet pa Izrailu, bolšaja častka jakich była pierachoplenaja Izrailskimi SPA. Izrailski premjer-ministr Bińjamin Nietańjachu zajaviŭ, što Iran « ździejśniŭ surjoznuju pamyłku i paniasie za heta adkaznaść».
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary