«Rasija nie zdolnaja napoŭnicu skarystacca z zachopu Vuhladara, jaje resursy abmiežavanyja» — hienierał Ben Chodžes
Niahledziačy na akupacyju Vuhladara i inšych nasielenych punktaŭ Danieckaj vobłaści, rasijskija akupanty nie zmohuć dasiahnuć stratehičnaj mety, bo niasuć vialikija straty padčas bajoŭ. Pra heta zajaviŭ eks-kamandujučy armijaj ZŠA ŭ Jeŭropie Ben Chodžes u efiry ŭkrainskaha telekanała «Jesprieso».
«Strata Vuhladara i inšych haradoŭ u zonie bajavych dziejańniaŭ — heta vielmi baluča ź psichałahičnaha punktu hledžańnia. Nikomu nie chočacca hublać harady, za jakija išła takaja napružanaja baraćba.
Adnak pierad tym, jak nazyvać heta «stratehičnaj parazaj», varta pamiatać, što Rasija nie zdolnaja napoŭnicu skarystacca z hetych zachopaŭ. Niezaležna ad taho, idzie havorka pra Aŭdziejeŭku, Bachmut ci Vuhladar, za svaje niaznačnyja pośpiechi rasijanie płaciać dziasiatkami tysiač sałdat i techniki. Ich resursy abmiežavanyja, tamu jany nie majuć mahčymaści zachapić vialikija terytoryi abo navat, da prykładu, dajści da Dniapra.
Tamu ja liču, što Hienieralny štab vykarystoŭvaje pravilnuju taktyku z najaŭnymi resursami, kab nie dać Rasii dasiahnuć značnych praryvaŭ.
U toj ža čas ja padtrymlivaju rašeńnie ab kontrnastupleńni ŭ napramku Kurska, pakolki hetaja apieracyja stvaraje surjoznuju prablemu dla rasijan. Jak vynik, na Pucina akazvajecca kankretny cisk i jon vymušany šukać rašeńnie. Akramia taho, Ukraina takim čynam nabyvaje sabie lepšuju pieramoŭnuju pazicyju, kali dla pieramoŭ nastupić zručny čas», — rastłumačyŭ Chodžes.
Hienierał pierakanany, što pieramoha Ukrainy ŭ vajnie suprać Rasii adpaviadaje stratehičnym intaresam ZŠA i Jeŭropy.
«Biezumoŭna, napieradzie Ukrainu čakajuć vialikija vykliki, ale varta pamiatać, što vajna z Rasijaj praciahvajecca ŭžo bolš za 10 hadoŭ i, niahledziačy na ŭsie pieravahi, jakija maje Rasija, Ukraina ŭsio jašče kantraluje bolš za 80% svajoj terytoryi, a jaje ŭzbrojenyja siły praciahvajuć naroščvać kolkaść i mahutnaść.
Tamu ja zastajusia aptymistam, asabliva kali Złučanyja Štaty z novaj administracyjaj i Hiermanija zrazumiejuć, što pieramoha Ukrainy adpaviadaje našym stratehičnym intaresam», — padkreśliŭ jon.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju9
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski66
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski6
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary