Rasijskija vojski ŭvajšli va ŭschodniuju častku Tarecka ŭ Danieckaj vobłaści, paćvierdziła ŭkrainskaje vajskovaje kamandavańnie.
Pradstaŭnica apieratyŭna-taktyčnaj hrupy «Łuhansk» učora zajaviła, što situacyja ŭ horadzie «vielmi niestabilnaja» i «bai iduć litaralna kala kožnaha budynka».
Siońnia pradstaŭnik asobnaj šturmavoj bryhady «Luť», jakaja viadzie bai ŭ horadzie, u efiry Ukrainskaj słužby «Radyjo Svaboda» akreśliŭ situacyju tak:
«Byvała navat takoje, što ŭ šmatkvaternym domie na pieršym paviersie my pracujem, na druhim — rasijanie, i my sprabujem ich vybić. Tamu ciažka kazać… Nie tamu, što ja nie chaču skazać, a tamu, što situacyja sapraŭdy dastatkova dynamičnaja».
Situacyja ŭ vakolicach Tarecka zastajecca składanaj užo niekalki miesiacaŭ: pra sutyknieńni na ŭskrainach horada paviedamlałasia jašče ŭ žniŭni. Ciapier manitorynhavy sajt DeepState śviedčyć, što nasielenyja punkty na ŭschodniaj uskrainie Tarecka — Paŭnočnaje, Žaleznaje, Družba i Paŭdniovaje — całkam abo amal całkam u rukach Rasii.
Za apošni miesiac Maskva ŭzmacniła nastup na horad. Z kanca vieraśnia rasijskija vojski prasoŭvajucca ŭ Tareck, šyroka vykarystoŭvajučy kiravanyja bomby vysokaj razburalnaj siły.
Ahulnaja situacyja na ŭschodzie Ukrainy taksama stanovicca ŭsio bolš składanaj paśla ŭziaćcia Vuhladara na minułym tydni. Kali rasijskim vojskam udasca zachapić i Tareck, heta moža im dapamahčy pierakryć klučavyja ŭkrainskija łahistyčnyja maršruty, jakija złučajuć apieratyŭny tył i zonu bajavych dziejańniaŭ.
Tareck, nasielnictva jakoha da poŭnamaštabnaha ŭvarvańnia Rasii składała bolš za 30 000 čałaviek, byŭ u značnaj stupieni razburany i spustošany, bolšaść budynkaŭ raźbitaja, i tolki kala 1600 žycharoŭ zastalisia ŭ horadzie paśla šmatlikich evakuacyj.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary