Mohuć źmianicca ŭmovy pa dastaŭcy piensij dla «maładych» haradskich piensijanieraŭ, paviedamlaje BiełTA.
Pa słovach ministra pracy i sacyjalnaj abarony Natalli Paŭlučenki, u prajekcie ŭkaza ab sacyjalnaj padtrymcy ŭtrymlivajecca karekciroŭka asobnych umoŭ pa dastaŭcy piensij.
U Biełarusi z 1 lipienia 2024 hoda źmianiŭsia paradak vypłaty piensij, dapamoh siemjam, jakija vychoŭvajuć dziaciej, i dapamoh pa dohladzie za invalidam pieršaj hrupy albo asobaj starejšaj za 80 hadoŭ. Heta datyčycca tych, chto žyvie ŭ Minsku, abłasnych haradach i rajonnych centrach. Takija vypłaty zaraz, u asnoŭnym, ažyćciaŭlajucca praz banki.
Adnak na praktycy zastalisia zapyty z boku piensijanieraŭ, jakija maładziejšyja za 70 hadoŭ, nie źjaŭlajucca invalidami pieršaj abo druhoj hrupy i pražyvajuć u haradach. Takija piensijaniery žadajuć, kab piensii im naličvali ŭ paštovyja adździaleńni albo prynosiŭ dadomu paštaljon.
— Dla hetaj katehoryi «maładziejšych» piensijanieraŭ prapanujecca ŭvieści prava na apłatu za dastaŭku piensii za košt asabistych srodkaŭ pa ŭstanoŭlenych taryfach, — prakamientavała ministr.
Apłata budzie nievialikaj, kala 6—8 rubloŭ.
Vylecieła ŭ nieviadomym kirunku śpikierka KR Anžalika Mielnikava30
Kamientary