Могуць змяніцца ўмовы па дастаўцы пенсій для «маладых» гарадскіх пенсіянераў, паведамляе БелТА.
Па словах міністра працы і сацыяльнай абароны Наталлі Паўлючэнкі, у праекце ўказа аб сацыяльнай падтрымцы ўтрымліваецца карэкціроўка асобных умоў па дастаўцы пенсій.
У Беларусі з 1 ліпеня 2024 года змяніўся парадак выплаты пенсій, дапамог сем'ям, якія выхоўваюць дзяцей, і дапамог па доглядзе за інвалідам першай групы альбо асобай старэйшай за 80 гадоў. Гэта датычыцца тых, хто жыве ў Мінску, абласных гарадах і раённых цэнтрах. Такія выплаты зараз, у асноўным, ажыццяўляюцца праз банкі.
Аднак на практыцы засталіся запыты з боку пенсіянераў, якія маладзейшыя за 70 гадоў, не з'яўляюцца інвалідамі першай або другой групы і пражываюць у гарадах. Такія пенсіянеры жадаюць, каб пенсіі ім налічвалі ў паштовыя аддзяленні альбо прыносіў дадому паштальён.
— Для гэтай катэгорыі «маладзейшых» пенсіянераў прапануецца ўвесці права на аплату за дастаўку пенсіі за кошт асабістых сродкаў па ўстаноўленых тарыфах, — пракаментавала міністр.
Аплата будзе невялікай, каля 6—8 рублёў.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары