Biełarusy paprasili nazvać adnu z vulic Minska imiem Niła Hileviča. Što adkazali ŭłady
Na partale «Zručny horad» źjaviłasia pietycyja, u jakoj biełarusy paprasili nazvać adnu z vulic Minska imiem Niła Hileviča.
«Prosim uviekaviečyć imia narodnaha paeta Niła Hileviča na karcie Minska, prysvoiŭšy jaho imia adnoj z vulic horada, u honar jaho ŭniosku ŭ biełaruskuju litaraturu i kulturu. 30 vieraśnia 2024 hoda spaŭniajecca roŭna 93 hady z dnia naradžeńnia viadomaha narodnaha paeta Biełarusi, pierakładčyka, litaraturaznaŭcy, falkłarysta, hramadskaha dziejača Niła Hileviča. My, žychary i hości horada Minska, uvažliva aznajomilisia ź jaho bijahrafijaj i pryjšli da vysnovy, što varta ŭviekaviečyć jaho imia na karcie horada Minska», — havorycca ŭ zvarocie.
Dniami z upraŭleńnia kultury Minharvykankama pryjšoŭ adkaz za podpisam načalnika ŭpraŭleńnia Kaciaryny Łučyny. I prynamsi heta nie admova.
«Pytańnie ab prysvajeńni imia Niła Hileviča adnoj z vulic h. Minska moža być razhledžana kamisijaj va vyznačanym zakanadaŭstvam paradku pry najaŭnaści zvarotaŭ zabudoŭščykaŭ terytoryi horada, administracyj rajonaŭ h. Minska, RUP «Minskaje haradskoje ahienctva pa dziaržaŭnaj rehistracyi i ziamielnym kadastry», inšych arhanizacyj.
Dadatkova paviedamlajem, što imia Niła Hileviča ŭklučana ŭ śpis prapanoŭ pa najmieńni novych vulic stalicy», — havorycca ŭ abnadziejlivym adkazie.
Kamientary