Rasijskija apazicyjnyja palityki Ilja Jašyn i Uładzimir Kara-Murza, a taksama ŭdava zahinułaha ŭ rasijskaj kałonii palityka Alaksieja Navalnaha Julija Navalnaja praviaduć 17 listapada ŭ Bierlinie antyvajennuju demanstracyju, piša Deutsche Welle.
«Heta budzie marš z patrabavańniem vyvieści rasijskija vojski z Ukrainy, sudzić Uładzimira Pucina jak vajennaha złačyncu i vyzvalić usich palitviaźniaŭ», — zajaviŭ Jašyn u sacsietkach u sieradu.
Palityki zaklikali ŭdzielničać u antyvajennym ruchu
Jašyn nahadaŭ, što ŭ RF ciapier «niama mahčymaści pravodzić lehalnyja akcyi pratestu». «Ale my ŭsio jašče možam pakazać, što mirnaja, svabodnaja i cyvilizavanaja Rasija isnuje. My isnujem, my nie maŭčym i my dziejničajem razam», — napisaŭ jon. Ilja Jašyn zaklikaŭ tych, u kaho jość takaja mahčymaść, pryjechać u Bierlin i pryniać udzieł u maršy. «Stańcie pobač z nami i ŭdzielničajcie ŭ antyvajennym ruchu», — dadaŭ jon.
U svaju čarhu Julija Navalnaja apublikavała videa, u jakim razam ź Jašynym i Kara-Murzoj zaklikała pryniać udzieł u bierlinskaj akcyi. U hetym videa prapanujecca «zahlanuć u budučyniu», u jakoj Rasija «žyvie ŭ miry sa svaimi susiedziami» i «harantuje svaim hramadzianam svabodu, spraviadlivaść i biaśpieku».
«Hetym maršam my chočam nie tolki abjadnać demakratyčnyja i antyvajennyja siły, ale i padtrymać našych suhramadzian u Rasii, jakija znachodziacca ŭ zakładnikach u pucinskaha režymu», — zajavili apazicyjaniery. Na staroncy akcyi ŭ Facebook paznačana, što jana pačniecca a 14-j hadzinie (16.00 pa Minsku).
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
Bo adzinaje, što utrymlivaje jaje kardynalna roznyja i kaliści zavajavanyja narody ŭ adzinaj dziaržavie - heta žorstkaja centralizavanaja ŭłada maskoŭskaj mietrapolii i miascovyja kniazi-namieśniki. Jakija jość albo ź liku miascovych kałabarantaŭ, albo ŭvohule dasłanyja Maskvoj varahi.
U lubym vypadku ŭsie kandydatury uchvalenyja Kramlem, jany niepapularnyja na miescach i trymajucca na štykach mietrapolii. Chiba što tolki ŭ Kadyrava isnuje de-fakta ŭłasnaja hvardyja i davoli mocnaja despatyčnaja aŭtanomija, u miežach jakoj rasiejskija zakony de-fakta nia dziejničajuć. Karaciej ukažučy - dakładny rimejk Załatoj Ardy.
Padparadkavanyja Kramlu manapolii bieźlitasna rabujuć pryrodnyja bahaćci ŭskrainaŭ i pierapradajuć ich za miažu pieravažana ŭ jakaści syraviny, reštki ž dazvalajecca rabavać namieśnikam. Častka z prybytkaŭ Maskvy viartajecca ŭ kałonii dziela raźmierkavańnia namieśnikami. Tyja znoŭ kraduć i reštki maskoŭskich subsidyj nakiroŭvajuć na ŭtrymańnie ŭ rehijonie ŭzroŭniu žyćcia - vielmi nizkaha, ale roŭna nastolki, kab abaryhieny nie buntavali i nie stvarali prablem Kramlu.
To bok i palityčny, i ekanamičny ład Rasiei - całkam impierskija i tamu sproby jaje refarmavańnia pryviaduć tolki da novaha pucinizmu.
Jany kožny hod śviatkavali 9 traŭnia (pra što jość film Sierhieja Łaźnicy).
Nakolki pamiataju, na adnoj z kanfierencyj rasiejskaj emihracyi visieła mapa, dzie zamiest RF šmat aŭtanomnych dziaržaŭ. Taksama cikava, ci šmat ludziej takoje padtrymlivaje i ŭvohule razumieje.