Расійскія апазіцыйныя палітыкі Ілья Яшын і Уладзімір Кара-Мурза, а таксама ўдава загінулага ў расійскай калоніі палітыка Аляксея Навальнага Юлія Навальная правядуць 17 лістапада ў Берліне антываенную дэманстрацыю, піша Deutsche Welle.
«Гэта будзе марш з патрабаваннем вывесці расійскія войскі з Украіны, судзіць Уладзіміра Пуціна як ваеннага злачынцу і вызваліць усіх палітвязняў», — заявіў Яшын у сацсетках у сераду.
Палітыкі заклікалі ўдзельнічаць у антываенным руху
Яшын нагадаў, што ў РФ цяпер «няма магчымасці праводзіць легальныя акцыі пратэсту». «Але мы ўсё яшчэ можам паказаць, што мірная, свабодная і цывілізаваная Расія існуе. Мы існуем, мы не маўчым і мы дзейнічаем разам», — напісаў ён. Ілья Яшын заклікаў тых, у каго ёсць такая магчымасць, прыехаць у Берлін і прыняць удзел у маршы. «Станьце побач з намі і ўдзельнічайце ў антываенным руху», — дадаў ён.
У сваю чаргу Юлія Навальная апублікавала відэа, у якім разам з Яшыным і Кара-Мурзой заклікала прыняць удзел у берлінскай акцыі. У гэтым відэа прапануецца «заглянуць у будучыню», у якой Расія «жыве ў міры са сваімі суседзямі» і «гарантуе сваім грамадзянам свабоду, справядлівасць і бяспеку».
«Гэтым маршам мы хочам не толькі аб’яднаць дэмакратычныя і антываенныя сілы, але і падтрымаць нашых суграмадзян у Расіі, якія знаходзяцца ў закладніках у пуцінскага рэжыму», — заявілі апазіцыянеры. На старонцы акцыі ў Facebook пазначана, што яна пачнецца а 14-й гадзіне (16.00 па Мінску).
«Анліфаншчыца з Пінска» кажа, што яна не анліфаншчыца і не ў рабстве ў М'янме6
Каментары
Бо адзінае, што утрымлівае яе кардынальна розныя і калісці заваяваныя народы ў адзінай дзяржаве - гэта жорсткая цэнтралізаваная ўлада маскоўскай метраполіі і мясцовыя князі-намеснікі. Якія ёсць альбо з ліку мясцовых калабарантаў, альбо ўвогуле дасланыя Масквой варагі.
У любым выпадку ўсе кандыдатуры ухваленыя Крамлем, яны непапулярныя на месцах і трымаюцца на штыках метраполіі. Хіба што толькі ў Кадырава існуе дэ-факта ўласная гвардыя і даволі моцная дэспатычная аўтаномія, у межах якой расейскія законы дэ-факта ня дзейнічаюць. Карацей укажучы - дакладны рімэйк Залатой Арды.
Падпарадкаваныя Крамлю манаполіі безлітасна рабуюць прыродныя багацці ўскраінаў і перапрадаюць іх за мяжу пераважана ў якасці сыравіны, рэшткі ж дазваляецца рабаваць намеснікам. Частка з прыбыткаў Масквы вяртаецца ў калоніі дзеля размеркавання намеснікамі. Тыя зноў крадуць і рэшткі маскоўскіх субсідый накіроўваюць на ўтрыманне ў рэгіёне ўзроўню жыцця - вельмі нізкага, але роўна настолькі, каб абарыгены не бунтавалі і не стваралі праблем Крамлю.
То бок і палітычны, і эканамічны лад Расеі - цалкам імперскія і таму спробы яе рэфармавання прывядуць толькі да новага пуцінізму.
Яны кожны год святкавалі 9 траўня (пра што ёсць фільм Сергея Лазніцы).
Наколькі памятаю, на адной з канферэнцый расейскай эміграцыі вісела мапа, дзе замест РФ шмат аўтаномных дзяржаў. Таксама цікава, ці шмат людзей такое падтрымлівае і ўвогуле разумее.