Cichanoŭskaja nie budzie zaklikać biełarusaŭ iści na vybary i pratestavać
Lidarka biełaruskaj apazicyi paraiła hramadzianam, jakija zastalisia na radzimie, paźbiahać pratestu suprać vybaraŭ u studzieni, kažučy, što hałasavańnie źjaŭlajecca «rytuałam, pryznačanym dla nadańnia falšyvaj lehitymnaści Łukašenku».
Śviatłana Cichanoŭskaja zajaviła ŭ intervju Reuters, što baicca razhonaŭ, kali hetym razam ludzi vyjduć na vulicy.
«My nie možam dapuścić pratestaŭ u hety momant, tamu što čatyry hady ludzi pieražyvajuć takija žorstkija represii», — skazała jana.
«Hetyja tak zvanyja vybary nie źjaŭlajucca spuskavym miechanizmam, jaki patrebny ludziam. Tamu ja prašu ludziej nie achviaravać saboj», — skazała jana, miarkujučy, što kali ludziej prymusiać iści na vybary, jany mohuć prahałasavać suprać usich.
(Pieršapačatkova ŭ artykule Reuters havaryłasia pra psavańnie biuleteniaŭ u znak niazhody, ale paźniej artykuł byŭ vypraŭleny. Ofis Cichanoŭskaj paśla vychadu intervju patłumačyŭ, što słovy Cichanoŭskaj pieradali nie dakładna).
U zahinułaj u Ślapiancy dziaŭčynie apaznali Janu Kastrankovu2
Kamientary