Ціханоўская не будзе заклікаць беларусаў ісці на выбары і пратэставаць
Лідарка беларускай апазіцыі параіла грамадзянам, якія засталіся на радзіме, пазбягаць пратэсту супраць выбараў у студзені, кажучы, што галасаванне з'яўляецца «рытуалам, прызначаным для надання фальшывай легітымнасці Лукашэнку».
Святлана Ціханоўская заявіла ў інтэрв'ю Reuters, што баіцца разгонаў, калі гэтым разам людзі выйдуць на вуліцы.
«Мы не можам дапусціць пратэстаў у гэты момант, таму што чатыры гады людзі перажываюць такія жорсткія рэпрэсіі», — сказала яна.
«Гэтыя так званыя выбары не з'яўляюцца спускавым механізмам, які патрэбны людзям. Таму я прашу людзей не ахвяраваць сабой», — сказала яна, мяркуючы, што калі людзей прымусяць ісці на выбары, яны могуць прагаласаваць супраць усіх.
(Першапачаткова ў артыкуле Reuters гаварылася пра псаванне бюлетэняў у знак нязгоды, але пазней артыкул быў выпраўлены. Офіс Ціханоўскай пасля выхаду інтэрв'ю патлумачыў, што словы Ціханоўскай перадалі не дакладна).
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары