Siamja Asadaŭ kiravała Siryjaj 54 hady.
U Damasku pavalili hałoŭny pomnik dyktataru Chafezu Asadu. Paŭstancy taksama ŭvajšli ŭ rezidencyju Bašara Asada.
Asadapad praciahvajecca pa ŭsioj Siryi. Ludzi skidvajuć pomniki Chafiezu Asadu, baćku Bašara Asada. Jon kiravaŭ Siryjaj z 1971 da 2000.
Siamja Asadaŭ kiravała Siryjaj 54 hady. Achviarami jaje dyktatury i raźviazanaj imi hramadzianskaj vajny stali sotni tysiač ludziej.
Na vybarach 2021 hoda Bašaru Asadu napisali 95,1% hałasoŭ.
U realnaści režym Asada abapiraŭsia na mienšaść nasielnictva krainy — ałavitaŭ (Asady sami ałavity) i chryścijanaŭ roznych kanfiesij.
U toj ža čas suprać jaho vystupali sunity, jakija składali bolšaść nasielnictva krainy, i druzy, a taksama śvieckija siryjcy, jakija vystupajuć za demakratyčny ład. Kurdy bałansavali miž uradam i apazicyjaj, bo majuć ułasnyja intaresy.
Padaŭleńnie masavych pratestaŭ 2011 hoda vyklikała hramadzianskuju vajnu. Asad zastaŭsia va ŭładzie dziakujučy tamu, što na jaho baku vajavali intervienty z Rasii i Irana. Paŭstancaŭ padtrymlivali Turcyja i Saudaŭskaja Aravija.
Režym Asada paŭ za 10 dzion u vyniku małankavaha nastupu paŭstancaŭ — paśla taho, jak Turcyja da inšyja krainy zabiaśpiečyli ich sučasnymi ŭzbrajeńniami.
Paŭstancy ŭvajšli ŭ Damask. Urad zajaviŭ pra hatoŭnaść pieradać uładu. Dzie Asad, nieviadoma
«Heta, mahčyma, najlepšaje, što moža ź imi zdarycca». Tramp prakamientavaŭ krach rasijskaj palityki ŭ Siryi
Paŭstancy ŭ Siryi ŭziali Palmiru, šturmujuć Choms, uvajšli ŭ Damask. Dzie Asad — nieviadoma
Nastupleńniem paŭstancaŭ u Siryi kiruje Abu Machamied al-Džułani. Chto jon taki i čamu jaho ličać prahresiŭnym džychadzistam?
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary