Biełaruska ŭpała z čaćviortaha paviercha hatela ŭ Tajłandzie i atrymała ciažkija traŭmy
Pavodle danych miascovaj palicyi, turystka viarnułasia pozna ŭviečary ŭ hatel i zrazumieła, što zabyłasia kluč usiaredzinie. Paśla taho jana pasprabavała zaleźci ŭ numar praz akno pa pažarnaj leśvicy, ale sarvałasia i ŭpała na ziamlu, piša «Anłajnier».
Infarmacyja pra zdareńnie źjaviłasia ŭ supolnaści «Pchukiet, ruski kłub» u fejsbuku: tam dla paciarpiełaj (jaje imia — Kaciaryna) arhanizavali zbor na lačeńnie i transpartavańnie ŭ Biełaruś, na čym, jak śćviardžajecca, nastojvali tajskija lekary.
«Takaja durnaja pamyłka pryviała da vielmi surjoznych traŭmaŭ, pierałamana litaralna ŭsio ( akramia hałavy): ruki, nohi, chrybietnik, rebry, jakija pratknuli lohkija, razarvanaja piečań…», — napisała aŭtarka pasta sa zboram srodkaŭ.
Kali dziaŭčynu dastavili ŭ balnicu, jana była ŭ prytomnaści.
Siońnia pres-słužba MZS paviedamiła ahienctvu Sputnik, što Kaciarynie dapamahli viarnucca dadomu. Dypłamaty znachodzilisia ŭ pastajannym kantakcie ź blizkimi dziaŭčyny, a taksama z balnicaj, u jakuju jana była dastaŭlena.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary