Prezident Uładzimir Zialenski ŭnios u Viarchoŭnuju Radu zakonaprajekty, jakija praduhledžvajuć padaŭžeńnie terminu dziejańnia vajennaha stanovišča i praviadzieńnie ŭsieahulnaj mabilizacyi va Ukrainie jašče na 90 sutak, piša RBK-Ukraina.
Zhodna z dakumientami, dziejańnie asablivaha pravavoha režymu i mabilizacyjnych mierapryjemstvaŭ prapanujecca padoŭžyć jašče na 90 sutak — da 28 studzienia 2027 hoda.
Vajennaje stanovišča — heta asablivy pravavy režym, jaki ŭvodzicca dla zabieśpiačeńnia abarony krainy, abarony hramadzianskaha nasielnictva i krytyčnaj infrastruktury ad ahresara.
Usieahulnaja mabilizacyja praduhledžvaje pieravod ekanomiki, orhanaŭ ułady i vajennych struktur na funkcyjanavańnie va ŭmovach asablivaha pieryjadu.
Chto padlahaje pryzyvu?
Vajennaabaviazanyja mužčyny va ŭzroście ad 25 da 60 hadoŭ, prydatnyja da słužby pavodle stanu zdaroŭja, jakija nie majuć padstaŭ dla adterminoŭki abo braniravańnia.
Mužčyny va ŭzroście ad 18 da 25 hadoŭ padlahajuć mabilizacyi tolki ŭ vyklučnych vypadkach, vyznačanych zakonam, abo mohuć dobraachvotna dałučycca da šerahaŭ Uzbrojenych sił Ukrainy na padstavie kantrakta.
Žančyny, jakija znachodziacca na vajskovym uliku, pryciahvajucca da słužby abo rabot u śfiery abarony vyklučna pa ŭłasnym žadańni.
-
Babaryka, Zołatava i jašče niekalki dziasiatkaŭ byłych palitviaźniaŭ zaklikali jeŭrapiejskich lidaraŭ aktyŭniej damaŭlacca nakont vyzvaleńniaŭ
-
Maleńkaha syna zabitaj u Izraili biełaruski choča zabrać siamja Ali, padazravanaha ŭ zabojstvie. Dzied idzie ŭ šaryjacki sud
-
Sieviaryniec raskazaŭ, jak na źjeździe BCHD łavili ahientaŭ
Kamientary