12 śniežnia ŭ Nacyjanalnym rejestry pravavych aktaŭ zarehistravanaja pastanova ŭrada №949 ad 11 śniežnia «Ab licenzavańni vyvazu bulby». Dakumient jašče aficyjna nie apublikavany, jaho poŭny źmiest nieviadomy.
Jak praviła, u takich pastanovach na peŭny čas, zvyčajna niekalki miesiacaŭ, vyznačajucca ŭmovy vyvazu tavaru tolki pa razavych licenzijach, jakija vydaje MARH pa ŭzhadnieńni z vykankamami i Minsielhascharčam.
Biełaruski ŭrad užo nieadnarazova časova abmiažoŭvaŭ vyvaz asobnych vidaŭ sielhaspradukcyi. U žniŭni hetaha hoda, naprykład, źjaviłasia rašeńnie ab licenzavańni vyvazu pamidoraŭ u pieryjad z 1 listapada 2024 hoda pa 2 sakavika 2025 hoda. Taksama ŭ kastryčniku ŭłady ŭviali abmiežavańni na vyvaz z krainy biełakačannaj kapusty, jabłyk i repčataj cybuli.
Pavodle źviestak Biełstata, pa stanie na 1 listapada ŭ sielskahaspadarčych arhanizacyjach było nakapana 534,8 tys.t bulby, što na 34,9% mienš, čym letaś. Tym nie mienš, raniej ułady zajaŭlali, što sabranaha ŭradžaju bulby sioleta budzie dastatkova jak dla zadavalnieńnia patrebaŭ unutranaha rynku, tak i dla ekspartu, u pieršuju čarhu ŭ Rasiju.
Ciapier čytajuć
Łukašenka patłumačyŭ, čamu jaho nie vidać pa sieradach i subotach11
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary