12 снежня ў Нацыянальным рэестры прававых актаў зарэгістраваная пастанова ўрада №949 ад 11 снежня «Аб ліцэнзаванні вывазу бульбы». Дакумент яшчэ афіцыйна не апублікаваны, яго поўны змест невядомы.
Як правіла, у такіх пастановах на пэўны час, звычайна некалькі месяцаў, вызначаюцца ўмовы вывазу тавару толькі па разавых ліцэнзіях, якія выдае МАРГ па ўзгадненні з выканкамамі і Мінсельгасхарчам.
Беларускі ўрад ужо неаднаразова часова абмяжоўваў вываз асобных відаў сельгаспрадукцыі. У жніўні гэтага года, напрыклад, з'явілася рашэнне аб ліцэнзаванні вывазу памідораў у перыяд з 1 лістапада 2024 года па 2 сакавіка 2025 года. Таксама ў кастрычніку ўлады ўвялі абмежаванні на вываз з краіны белакачаннай капусты, яблык і рэпчатай цыбулі.
Паводле звестак Белстата, па стане на 1 лістапада ў сельскагаспадарчых арганізацыях было накапана 534,8 тыс.т бульбы, што на 34,9% менш, чым летась. Тым не менш, раней улады заяўлялі, што сабранага ўраджаю бульбы сёлета будзе дастаткова як для задавальнення патрэбаў унутранага рынку, так і для экспарту, у першую чаргу ў Расію.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары