Rejtynh najlepšych biełaruskich filmaŭ za ŭsiu historyju skłali kinaekśpierty i dziejnyja filmmejkiery z inicyjatyvy Biełaruskaj niezaležnaj kinaakademii (BIFA). Śpis padrychtavali da 100-hodździa biełaruskaha kino, što adznačajuć sioleta 17 śniežnia.
U śpis najlepšych biełaruskich filmaŭ uvajšli 50 stužak, ahułam ža ŭ indyvidualnych śpisach ekśpiertaŭ zhadanyja 174 karciny. U farmavańni rejtynhu ŭziali ŭdzieł 49 čałaviek. Takim čynam, heta najbolš šyrokaje apytańnie, jakoje dasiul pravodziłasia na hetuju temu, z punktu hledžańnia jak reprezientacyi filmaŭ, hetak i kolkaści ekśpiertaŭ.
50 stužak, jakija nabrali najbolšuju kolkaść hałasoŭ, raźmieščanyja na sajcie BIFA — razam ź sinopsisami, fiestyvalnymi historyjami filmaŭ i kamientarami ekśpiertaŭ. Tut ža možna znajści indyvidualnyja śpisy kožnaha z udzielnikaŭ apytańnia: u im uziali ŭdzieł biełaruskija režysiory, kinaznaŭcy, fiestyvalnyja arhanizatary, a taksama zamiežnyja prafiesijanały śfiery.
Pieršaje miesca ŭ rejtynhu zaniała antyvajennaja drama «Idzi i hladzi» Elema Klimava supolnaj vytvorčaści savieckich kinastudyj «Biełaruśfilm» i «Maśfilm», za jakuju prahałasavali 26 respandentaŭ.
Ź minimalnym adryvam na druhim miescy raźmiaściłasia indzi-karcina «Akupacyja. Misteryi» Andreja Kudzinienki, što nabrała 24 hałasy. Stužku źniali ŭžo ŭ niezaležnaj Biełarusi, jana, jak i «Idzi i hladzi», pakazvaje partyzanski ruch času Druhoj suśvietnaj vajny, ale z alternatyŭnaj pierśpiektyvy.
Treciaje miesca zajmaje film Valeryja Rubinčyka «Dzikaje palavańnie karala Stacha» (1980 hod).
U pieršuju dziasiatku ŭvajšli taksama filmy «Cieraz mohiłki» Viktara Turava, «Pryhody Buracina» Leanida Niačajeva, «Uschodni kalidor» Valancina Vinahradava, «Mianie zavuć Arlekina» Valeryja Rybarava, «Zaŭtra» Julii Šatun, «Vypadak z pacanom» Siarhieja Łabana.
Z 50 filmaŭ, pryznanych najlepšymi, 30 źniatyja paśla raspadu SSSR. Pavodle kryteraŭ, u rejtynh mahli być załučanyja filmy, źniatyja biełarusami (pavodle samaidentyfikacyi) u luboj z krain śvietu, i filmy, źniatyja lubymi režysiorami na biełaruskich kinastudyjach.
Adlik biełaruskaha kino tradycyjna viadziecca z 17 śniežnia 1924 hoda, kali była stvoranaja kinastudyja «Biełdziaržkino» (siońnia «Biełaruśfilm»).
Novy ministr kultury rasparadziŭsia zdymać filmy pra vajnu i sialan. I paabiacaŭ praryŭnaje kino
4 filmy, jakija sabrali najbolš simpatyj na kinafiestyvali «Paŭnočnaje źziańnie»
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?
Łukašenka: Toje, što adbyvajecca ŭ biełaruskim kiniematohrafie, heta prosta hańba
Režysior Siarhiej Łaźnica raskazaŭ, jak stvaraŭsia film «U tumanie» i čamu jaho cenzuravaŭ Minkult
Kamientary