Pilny ryełtar u Minsku pierakanaŭ piensijanierku nie pradavać kvateru machlaram
Usio pačałosia z telefanavańnia ab praviercy elektronnych ličylnikaŭ.
U Minsku ryełtar pierakanaŭ piensijanierku nie pradavać kvateru pa paradzie machlaroŭ. Padrabiaznaści paviedamili ŭ pres-słužbie HUUS Minharvykankama.
Adznačajecca, što na chatni telefon žycharki Partyzanskaha rajona patelefanavali nieviadomyja, pradstaviŭšysia supracoŭnikami «Enierhazbytu».
Jany paprasili žančynu dać asabistyja źviestki, jakija patrebnyja dla zamieny ličylnikaŭ. Piensijanierka pradyktavała svoj numar telefona, adras miesca žycharstva, a taksama sieryju i numar pašparta.
Paralelna z hetym minčancy ŭ miesiendžary pastupiŭ zvanok nibyta ad milicyjanta. Jon skazaŭ, što piensijanierka razmaŭlaje pa chatnim telefonie z ašukancami i pačaŭ patrabavać spynić ź imi razmovu.
Paśla hetaha mužčyna zmoh pierakanać pažyłuju minčanku ŭ tym, što ašukancy vystavili na prodaž jaje kvateru. Kab vypravić situacyju, afieryst raiŭ samastojna znajści ryełtara, a zatym pradać kvateru. Atrymanyja srodki treba było pieravieści na biaśpiečny rachunak.
Piensijanierka źviazałasia z ahientam i damoviłasia pra sustreču. Ryełtar, pahutaryŭšy z žančynaj, dapuściŭ, što jana mahła pryniać rašeńnie ab prodažy kvatery pa pryčynie cisku z boku afierystaŭ.
Śpiecyjalist parekamiendavaŭ pažyłoj minčancy ŭsio raskazać blizkim ludziam.
«Paśla razmovy z rodnymi žančyna zrazumieła, što ledź nie stała achviaraj padmanu i źviarnułasia ŭ milicyju», — adznačyli ŭ milicyi.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary