Asnoŭnaj reakcyjaj na Pucina, Łaŭrova, Piaskova ŭ rasijskim telehramie staŭ kłoŭn
U nastrojach rasijskaha hramadstva nazirajecca tektaničny zruch.
Mahčymaść pakidać reakcyi zastałasia nie va ŭsich rasijskich praŭładnych i pravajennych kanałach. A tam, dzie jana zastałasia, časta adbyvajucca nakrutki, časam navat ź pieršych chvilin isnavańnia dopisu. Dziejničajuć i fabryki botaŭ, jakija pakidajuć adpaviednyja kamienty i nakručvajuć łajki pad imi.
Ale pasty biez nakrutak, kali jany papadajucca, dazvalajuć prasačyć evalucyi rasijskaj hramadskaj dumki.
Niekatory čas nazad «kłoŭny» i «dyzłajki» stali asnoŭnaj reakcyj u telehram-kanałach na lubyja źjaŭleńni i vykazvańni Dźmitryja Piaskova, Siarhieja Łaŭrova, Siarhieja Šajhu. U červieni hetaha hoda «kłoŭn» staŭ asnoŭnaj reakcyjaj i na Pucina.
Voś skrynšoty z łajalnaha Kramlu kanała Shot pa stanie na 24 červienia. Pad paviedamleńniem pra ŭstanovačnyja zajavy Uładzimira Pucina: «rasijskija vojski nastupajuć…», «Kijeŭ tolki sprabuje rabić vyhlad…» — śmiech, małpy, dyzłajki. Reakcyi «kłoŭn» u asartymiencie Shot niama.
A voś reakcyi na zajavy Pucina i Piaskova ŭ Z-kanale «Biełaruski siłavik» pa stanie na 24 červienia.
«Rasijskija vojski nastupajuć, zaniali Kanstancinaŭku…» — kłoŭny.
«Krainy Zachadu rychtujuć vajnu z Rasijaj…» — kłoŭny.
«Situacyja dla Kijeva na froncie horšaje dzień pry dni…» — kłoŭny.
Unutry Rasii ŚMI niesvabodnyja, a sacyjałohija pierastała być niezaležnaj, sacyjołahi skažajuć vyniki svaich daśledavańniaŭ pad ciskam represiŭnych orhanaŭ. Źmieny ŭ hramadskaj dumcy davodzicca adsočvać pa ŭskosnych prykmietach.
Impieryjalistyčnaja vajna va Ukrainie zajšła ŭ tupik. Zdajecca, mienavita dalnabojnyja ŭdary, jakija Ukraina intensifikavała ź viasny hetaha hoda, zmusili nasielnictva Rasii pamianiać svajo staŭleńnie. Rečaisnaść, dadzienaja im u adčuvańni, razyšłasia z tym, što kaža Pucin.
Možna čakać, što i na apošnich Z-kanałach mahčymaści vybrać reakcyi «kłoŭn» i «haŭno» bolš nie zastaniecca. Rasijskija ŭłady i ich minskija elemienty vierać, što jany mohuć srodkami sacyjalnaj inžynieryi trymać svaje narody ŭ štučna skanstrujavanaj realnaści.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki11
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Ja nie viedaju. Prosta, jak viersija, i tam mohuć pracavać internet-vojski ź inšaha boku. Tym bolš, viedajem, što isnavali botafiermy dobrych ruskich.
2. Ci moža skieptycyzm u Z-kanałach być nie prykmietaj stamleńnia ad vajny, a prykmietaj bolšaj ahresiŭnaj jastrabinaj pazicyi nacyjanał-patryjotaŭ i impiercaŭ?
2) Tak, rasčaravańnie ŭ Pucinie moža pierajści ŭ padtrymku dla radykalnych šavinistaŭ. Ale nie zabyvajcie, što aŭdytoryja tut zhadanych kanałaŭ - i tak radykalnyja Z-niki. Składana skazać, jak budzie evalucyjanavać śviadomaść "siaredniaha", palityčna pasiŭnaha rasijanina.