U hetu krainu moža palacieć Łukašenka na pieryjad skančeńnia ŭltymatumu Zialenskaha
Učora na sustrečy z premjeram Alaksandram Turčynym Łukašenka raskazaŭ pra zapłanavanuju doŭhaterminovuju kamandziroŭku za miažu. Ale kudy?
Z 25 pa 28 červienia ŭ Minsku i Minskaj vobłaści budzie prachodzić XIII Forum rehijonaŭ Biełarusi i Rasii.
«Tamu treba budzie vam hetym zajmacca pierš za ŭsio, pakolki ŭ mianie tut praciahłaja kamandziroŭka, — skazaŭ premjeru Łukašenka. — I ŭ suviazi z hetaj praciahłaj kamandziroŭkaj — taksama jakija pytańni nam treba budzie vyrašać. Moža, jość prapanovy».
Kudy abudziecca vizit Łukašenki, jaho pres-słužba nie ŭdakładniła.
Mahčyma, razmova pra Indanieziju. Prynamsi ŭ intervju kanału «Al-Arabija» dva tydni tamu Łukašenka kazaŭ pra budučy vizit u hetu krainu. «Z Vjetnamam u nas dobryja adnosiny, z Mjanmaj. Ź Indaniezijaj (voś moj nastupny vizit tudy budzie) niadrennyja adnosiny vybudavalisia, my tudy i pradajem, i technałohii našy jany prosiać».
Što praŭda, pra daty vizitu nie paviedamlałasia. Tamu, mahčyma, pierad Indaniezijaj Łukašenka źbiraŭsia zalacieć u inšuju krainu.
U minułym lipieni ŭ Biełaruś pryjazdžaŭ prezident Indaniezii Prabova Subijanta, a ŭ śniežni ŭ Indanieziiju lotaŭ Dźmitryj Łukašenka.
Taksama siońnia Dźmitryj Piaskoŭ anansavaŭ chutkuju sustreču Łukašenki i Pucina.
«Chutka buduć kantakty, my paviedamim», — skazaŭ jon, ale adznačyŭ, što pryjezdu Łukašenki ŭ Maskvu pry hetym nie čakajecca.
Nahadajem, što ŭ piatnicu viečaram zakančvajecca ŭltymatum Zialenskaha pa prybirańni retranślataraŭ ź biełaruskaj miažy.
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy
Piaskoŭ anansavaŭ chutkuju sustreču Łukašenki i Pucina
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Zialenski: Daju Łukašenku tydzień
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk
U harach Kyrhyzstana z drona adšukali cieły źnikłych biełaruskich alpinistaŭ8
Kamientary