Zrabić EKA za košt dziaržavy možna budzie tolki ŭ adnym miedcentry. A druhuju biaspłatnuju sprobu daduć nie ŭsim
Raspaviadajem, što źmianiłasia dla biełarusak, jakija płanujuć skarystacca mahčymaściu zrabić EKA biaspłatna.
Ad siońnia nabyvaje moc ukaz №100 «Ab praviadzieńni ekstrakarparalnaha apładnieńnia», a taksama pastanaŭleńnie Savieta Ministraŭ №313, u jakich rehulujucca pytańni praviadzieńnia biaspłatnaha EKA ŭ Biełarusi.
Nahadajem: zhodna z ukazam №100, jaki Łukašenka padpisaŭ u sakaviku, źviarnucca pa biaspłatnuju sprobu EKA mohuć jak siemji (abaviazkova, kab i muž, i žonka mieli biełaruskaje hramadzianstva), tak i žančyny, jakija nie znachodziacca ŭ šlubie.
Pry hetym, uzrost žančyny pry pieršaj biaspłatnaj sprobie EKA nie pavinien być bolš za 40 hadoŭ. U vypadku, kali pieršaja sproba skončyłasia naradžeńniem dzicia, žančyna maje prava na praviadzieńnie druhoj biaspłatnaj sproby za košt dziaržavy. Druhuju sprobu možna rabić da 49 hadoŭ.
Kali pieršaja biaspłatnaja sproba była niaŭdałaj, to druhi raz za košt dziaržavy zrabić praceduru nielha.
Pastanaŭleńnie Savieta Ministraŭ №313 skaraciła śpis arhanizacyj, dzie možna zrabić EKA za košt dziaržavy.
Raniej biaspłatnyja sproby pravodzili na bazie Homielskaha abłasnoha dyjahnastyčnaha miedyka-hienietyčnaha centra z kansultacyjaj «Šlub i siamja», haradskoha kliničnaha radzilnaha doma №2 Minska, a taksama respublikanskaha navukova-praktyčnaha centra «Maci i dzicia».
Ciapier ža źviartacca treba vyklučna ŭ RNPC «Maci i dzicia» — tolki tam buduć rabić biaspłatnyja sproby ekstrakarparalnaha apładnieńnia.
Ale treba razumieć, što za niekatoryja rečy ŭsio adno pryjdziecca płacić — naprykład, žančyna, jakaja nie znachodzicca ŭ šlubie, musić samastojna prafinansavać nabyćcio śpiermatazoidaŭ ananimnaha donara.
EKA na biudžetnaj asnovie ŭ Biełarusi robiać z 2021 hoda. Zhodna z aficyjnaj statystykaj, za čatyry hady (dadzienyja ahučyli letaś u kastryčniku) praviali 6095 cykłaŭ ekstrakarparalnaha apładnieńnia ŭ vyniku jakich nastupiła 2424 ciažarnaści (prykładna ŭ 40% vypadkaŭ). Na heta dziaržava vydatkavała kala 22 miljonaŭ rubloŭ.
«Šeść tysiač za leki i punkcyju płacili nie vy, a dziaržava». Biełaruski, jakija robiać biaspłatnaje EKA, sutyknulisia z prablemaj
«Samaje staroje» dzicia ŭ śviecie naradziłasia z embryjona, jaki byŭ zamarožany 30 hadoŭ tamu
«Jany mianie saromiejucca». Jak praz 12 hadoŭ žyvie biełaruska, što naradziła dvajniat u 54 hady
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary