37‑hadovaha budaŭnika z Bresta asudzili pa dvuch ciažkich palityčnych artykułach
Jaŭhiena Piarhajeva kinuli za kraty, abvinavaciŭšy ŭ raspalvańni varožaści i zaklikach da sankcyj.
Jaŭhien Piarhajevu 37 hadoŭ. Jon rodam z Bresta, dzie skončyŭ miascovy politechničny kaledž.
Vyšejšuju adukacyju Jaŭhien atrymaŭ u Bresckim dziaržaŭnym techničnym univiersitecie, dzie zavočna vučyŭsia na fakultecie inavacyjnaj dziejnaści pa śpiecyjalnaści «pramysłovaje i hramadzianskaje budaŭnictva».
Z 2012 hoda mužčyna zarehistravany jak indyvidualny pradprymalnik. Da 2018 hoda jon vałodaŭ internet-kramaj elektronnych parahienierataraŭ, jakija ŭ narodzie nazyvajuć vejpami.
Adnak apošnim časam Jaŭhien zarablaŭ na žyćcio pa svajoj budaŭničaj śpiecyjalnaści. Na śpiecyjalizavanych partałach dahetul visiać jaho śviežyja i aktualnyja abviestki: jak majstar jon prapanoŭvaŭ pasłuhi pa ŭkładvańni łaminatu, demantažy padłoh, ramoncie mebli i vykonvaŭ drobnyja santechničnyja pracy, majučy za plačyma kala vaśmi hadoŭ dośviedu.
Piarhajeva asudzili pavodle častki 1 artykuła 130 (raspalvańnie inšaj sacyjalnaj varožaści) i častki 3 artykuła 361 Kryminalnaha kodeksa Biełarusi (zakliki da mier abmiežavalnaha charaktaru abo inšych dziejańniaŭ na škodu nacyjanalnaj biaśpiecy).
Dakładny prysud pakul nieviadomy, ale ciapier mužčyna ŭ kałonii. Jamu pahražała da 12 hadoŭ źniavoleńnia.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 9594 ludziej, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Naša Niva» — bastyjon biełaruščyny
PADTRYMAĆCiapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak40
Kamientary