Rubia: Na sustrečy Trampa i Pucina na Alascy nie było damoŭlenaściaŭ
Dziaržsakratar ZŠA padkreśliŭ, što kali b na Alascy ŭdałosia dasiahnuć damoŭlenaści, to bajavyja dziejańni ŭžo byli b spynienyja.
Na samicie prezidentaŭ Rasii i ZŠA na Alascy ŭ žniŭni minułaha hoda abmiarkoŭvalisia «prapanovy, ale nie było damoŭlenaściaŭ», — zajaviŭ siońnia dziaržsakratar ZŠA Marka Rubia.
«My hatovy zrabić krok napierad i adyhrać kanstruktyŭnuju rolu, kali ŭ nas budzie takaja mahčymaść, abjadnać baki i pakłaści kaniec hetaj vajnie. Heta toje, što prezident sprabavaŭ zrabić na praciahu paŭtara hoda», — adznačyŭ jon.
Rubia padkreśliŭ, što kali b na Alascy ŭdałosia dasiahnuć damoŭlenaści, to bajavyja dziejańni ŭžo byli b spynienyja.
Dvuma dniami raniej, 23 červienia, namieśnik ministra zamiežnych spraŭ Rasii Siarhiej Rabkoŭ zajaviŭ, što Maskva zaŭvažaje adychod Vašynhtona ad «bazavych razumieńniaŭ», dasiahnutych prezidentami Uładzimiram Pucinym i Donaldam Trampam u Ankorydžy.
Kamientary