Ukraina, mahčyma, užo atrymała pieršyja amierykanskija rakiety ERAM. Jany dasiahajuć usioj terytoryi Biełarusi
Heta hibryd kryłatych rakiet i płaniernych bombaŭ, jaki bje na dalnaść 450 km. Lacić nie supierchutka, ale niakiepska abychodzić SPA.
Imavierna, ZŠA ŭžo pieradali Ukrainie pieršuju doślednuju partyju dalnabojnych vysokadakładnych rakiet u miežach prahramy ERAM.
Z-kanał «Poleznaja nahruzka» apublikavaŭ fota abłomkaŭ rakiety, jakija śviedčać pra amierykanskuju kampaniju Zone 5 Technologies.
U 2024 hodzie hetaja kampanija atrymała kantrakt VPS ZŠA na raspracoŭku adnaho z varyjantaŭ kryłatych rakiet ERAM, a ŭ žniŭni 2025 hoda ŭłady krainy ŭchvalili prodaž Ukrainie 3350 ERAM na $825 młn.
Źjaŭleńnie abłomkaŭ kampanientaŭ, jakija vykarystoŭvajucca mienavita ŭ hetych bojeprypasach, moža śviedčyć pra toje, što va Ukrainu ŭžo pastupiła ekśpierymientalnaja partyja rakiet ERAM dla vyprabavańniaŭ va ŭmovach realnaj vajny. Heta adbyłosia jašče da pačatku poŭnamaštabnych pastavak, zapłanavanych na kastryčnik 2026 hoda, piša kanał Exilenova+.
Nie vyklučana, što mienavita imi ŭčora USU nanieśli ŭdar pa zavodzie VPK u Varoniežy, dzie vyrablajuć mikraelektroniku dla «Iskanderaŭ», Ch-101 i «Pancyraŭ».
Vajskovy ekśpiert Jan Maćviejeŭ adznačaŭ, što vybuch byŭ zanadta mahutny dla Storm Shadow. Jon vykazaŭ mierkavańnie, što, mahčyma, heta byli rakiety ERAM.
Zajaŭlenaja dalnaść palotu rakiety składaje kala 450 km, a masa bajavoj častki — 225 kh.
Ad linii frontu da Varonieža — prykładna 230 km. Prykładna stolki sama — ad miažy Ukrainy da Minska.
Pieršuju sieryjnuju partyju z 840 rakiet płanavali pastavić da kastryčnika 2026 hoda.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary
i što ? 90% Biełarusaŭ suprać vajny i kryvi ŭ RB. Vajny nie budzie