«Vielmi strašnaha kino 6» nie budzie — suśvietny chit usio-tki źniali ź biełaruskaha prakatu. Čamu?
Papularnuju čornuju kamiedyju «Vielmi strašnaje kino 6» čakali ŭ Biełarusi jašče ŭ siaredzinie červienia, ale niečakana sieansy pačali pieranosić, a potym i prybirać z raskładaŭ. Jak stała viadoma, film kančatkova źniali z prakatu.
«Vielmi strašnaje kino 6» — čarhovaja častka bujnoj kamiedyjnaj franšyzy. U jaje filmach sumiaščajuć parodyi na chorary i satyru na bujnyja padziei i papularnyja miemy.
Novy film vyjšaŭ u suśvietny prakat 5 červienia i sabraŭ prystojnuju kasu — bolš za 200 miljonaŭ dalaraŭ pry vydatkach u 30 miljonaŭ. Dastatkova, kab ličyć jaho kasavym chitom.
U Biełarusi čakali film tydzień tamu, ale raptam kinateatry pačali pieranosić sieansy i viartać hrošy za kvitki. Tady stała viadoma, što Ministerstva kultury čamuści nie dadaje film u rejestr dazvolenaha kino, tamu i pra prakat havorki nie išło. 22 červienia, adnak, niekatoryja kinateatry ŭsio ž pačali pradavać kvitki na stužku, i hledziačy pa kamientarach u siecivie, niekatoryja biełarusy navat paśpieli pahladzieć film u kino.
Ale ž ciapier kvitki na «Vielmi strašnaje kino 6» užo nie nabyć. Jak stała viadoma «Našaj Nivie», film źniali z prakatu pa ŭsioj krainie.
Vierahodna, pryčyna hetaha — toje, što film zakranaje ŁHBT-tematyku. Naprykład, tam jość transhiendarny piersanaž, jaki źmianiŭ poł, a taksama piersanaž-homaseksualist. U viersii, jakaja nienadoŭha trapiła ŭ biełaruskija kinateatry, častku žartaŭ, źviazanych z hetaj tematykaj, zacenzuravali.
Z pačatku 2026 hoda ŭ Biełarusi nabyli moc papraŭki ŭ zakon «Ab pravach dziciaci», jakija zabaranili «prapahandu homaseksualnych adnosin, źmieny połu i biaździetnaści».
«Naša Niva» — bastyjon biełaruščyny
PADTRYMAĆU Biełarusi nijak nie mohuć pakazać suśvietny chit — daviałosia viartać hrošy za kvitki
Šalona papularny karejski sieryjał ad Netflix pra školny bulinh — chto ździekavaŭsia z adnakłaśnikaŭ, pavinien prajści praz takoje ž prynižeńnie
Biełarusy z Polščy pabyli ruskimi ŭ filmie, jaki ŭziaŭ pryz u Kanach. Stužcy praročać naminacyju na «Oskar»
Ciapier čytajuć
Cichanoŭski adkazaŭ Cichanoŭskaj: Čamuści nie zhadvajecca, što reabilitacyja syna adbyvałasia ŭ kvaterach i damach, jakija ja kupiŭ106
Kamientary
Tamušta ŭ nas apošnim časam, i tak "Vielmi strašna").