Łukašenka pabłažliva vykazaŭsia pra mihrantaŭ z Uschodu. Prapahandysty adrazu pracytavali, a paśla schamianulisia
Padčas naviedvańnia 16 studzienia Minskaha haradskoha technaparka Łukašenka siarod inšaha ŭžo nie pieršy raz havaryŭ pra toje, što prablemu deficytu pracoŭnych kadraŭ varta vyrašać za košt mihrantaŭ. Adnak nie da ŭsich ź ich staŭleńnie adnolkavaje.
Pavodle słoŭ Łukašenki, mihrantaŭ zaprašać možna i treba, ale jany musiać być kvalifikavanymi śpiecyjalistami:
«Chočaš zaprasić tadžykaŭ, uźbiekaŭ, kazachaŭ, siryjcaŭ, afhancaŭ, lubych ludziej, zaprašaj. Ale ty pavinien viedać, što heta za ludzi i što jany tabie patrebnyja na hetym miescy i mohuć hetuju apieracyju ažyćciaŭlać. Nie ŭmiejuć — navučy. Ale ty za hety dziasiatak-dvaccać čałaviek pavinien hałavoj adkazvać», — zapatrabavaŭ Łukašenka.
Hetaje vykazvańnie dasłoŭna pracytavała BiełTA, i adtul jano pajšło šyrycca dalej. Ale paśla, vidać, prapahandysty ci sami datumkali, ci im zrabili zaŭvahu źvierchu, što ŭ takim vyhladzie jano vyhladaje vielmi niekarektna ŭ dačynieńni da asobnych narodaŭ, tamu cytatu padkarektavali, vykinuŭšy ich pieralik.
«Ale ty pavinien viedać, što heta za ludzi i što jany tabie patrebnyja na hetym miescy i mohuć hetuju apieracyju ažyćciaŭlać. Nie ŭmiejuć — navučy. Ale ty za hety dziasiatak-dvaccać čałaviek pavinien hałavoj adkazvać», — tak ciapier vyhladaje padkarektavanaja cytata.
Na sajcie Łukašenki jahonaje vykazvańnie pa hetaj prablemie taksama całkam nie cytujecca, a pry apisańni situacyi zamiest pieraliku nacyjanalnaściaŭ havorka idzie pra biezabličnych «zamiežnych hramadzian».
Varta adznačyć, što z aŭtarytarnymi ŭładami bolšaści dziaržaŭ, ź jakich pachodziać pieraličanyja narody, u Łukašenki jość ci prynamsi byli dobryja palityčnyja adnosiny, i pry asabistych sustrečach ni sam Łukašenka, ni jahonyja čynoŭniki nie skupiacca na ŭsialakija kamplimienty ŭ dačynieńni da hetych narodaŭ.
«My nikoha ad mihrantaŭ abaraniać nie budziem». Łukašenka prahnazuje novy kryzis na zachodnich miežach
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova
Na razhromlenym dziaržavaj pradpryjemstvie Łukašenka zajaviŭ, što hatovy ŭsialak dapamahać pryvatnamu biznesu
Kamientary
Mianiać narodziec buduć
Na bolš jakasny.
Dyk jano daŭno viadoma.