Kubrakoŭ pachvaliŭsia, što takich spakojnych vybaraŭ nikoli nie było
Ministr unutranych spraŭ Ivan Kubrakoŭ zajaviŭ, što parušeńniaŭ hramadskaha paradku ŭ miescach praviadzieńnia vybarčaj kampanii nie zafiksavana.
«Chaču padziakavać suajčyńnikam za pravapasłuchmianyja pavodziny. Niahledziačy na toje, što z-za miažy sprabujuć skazić situacyju — takich spakojnych vybaraŭ, vybarčych kampanij u nas jašče nie było!» — adrapartavaŭ jon.
«Na siońnia abstanoŭka kantralavanaja, jakich-niebudź incydentaŭ my nie čakajem», — dadaŭ jon.
Za niekalki miesiacaŭ pierad hetymi vybarami prajšło niekalki chvalaŭ zatrymańniaŭ pa ŭsioj krainie. Ludziam davali na podpis papieru, što jany abaviazujucca nie ŭdzielničać u «ekstremisckaj dziejnaści». Na vychadnyja pahoršyłasia praca internetu i dostup da VPN-servisaŭ. Na try dni abmiežavali dostup z-za miažy da biełaruskich sajtaŭ. A na Homielščynie adklučyli na try dni ekrany ŭ hramadskich miescach.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
Kamientary