Kiraŭnika minskaha AMAPa Bałabu zvolnili, kab jon padšamaniŭ sabie bolšuju piensiju?
U AMAPa budzie novy načalnik, a Bałaba palepšyć svajo finansavaje stanovišča.
29 studzienia 2025 hoda Dźmitryja Bałabu pierasunuli z pasady kiraŭnika minskaha AMAPa ŭ staršyni biełaruskaha fizkulturna-spartyŭnaha tavarystva «Dynama» — arhanizacyi, jakaja zajmajecca sportam, a taksama adpačynkam vajennasłužačych.
Toje, što Bałaba bolš nie načalnik AMAPa — fakt. Cikavaść možna prajavić chiba što da drobiaziaŭ dalejšaj trajektoryi jahonaha losu.
Hraničny ŭzrost słužby dla pałkoŭnikaŭ — 50 hadoŭ. Paśla 50 hadoŭ možna praciahvać słužbu da 55 hadoŭ tolki atrymaŭšy zvańnie hienierała, abo, zastajučysia pałkoŭnikam, — pa rašeńni ministra ŭnutranych spraŭ, ź jakim pavinien pahadzicca Alaksandr Łukašenka.
Bałaba mieŭsia vyjści na piensiju ŭ 2022-m pa dasiahnieńni 50-hodździa, ale jaho nie zvolnili, jon zastaŭsia kamandziram AMAPa. Hienieralskaha zvańnia jon nie zajmieŭ, adpaviedna, atrymaŭ dazvoł ad ministra Ivana Kubrakova i Łukašenki.
Stać hienierałam, jak Karpiankovu, Bałabie nie paščaściła, chacia lutavaŭ jon nie mienš.
Pa łohicy jon moh by słužyć jašče da 2027 hoda ŭ statusie načalnika AMAPa, ale jaho źniali. Ale ci staŭ jon piensijanieram?
Naŭrad ci.
Na supracoŭnikaŭ BFST «Dynama» hetak ža raspaŭsiudžvajecca dziejańnie zakona «Ab orhanach unutranych spraŭ», jak na supracoŭnikaŭ inšych adździełaŭ i ŭpraŭleńniaŭ MUS. Unutry «Dynama» rabotniki rastuć u zvańniach, jak lubyja inšyja.
Pryznačeńnie ŭ «Dynama» — heta mahčymaść dadatkova za dva hady pavialičyć bazu, ź jakoj budzie adličvacca jahonaja piensija. Akład kiraŭnika takoj vialikaj haspadarčaj arhanizacyi, jak BFST «Dynama», bolšy, čym akład načalnika minskaha AMAP.
Dźmitryj Bałaba naradziŭsia ŭ Maładziečanskim rajonie. Žyćcio pryśviaciŭ słužeńniu nie zakonu i radzimie, a Alaksandru Łukašenku. Pad kiraŭnictvam Bałaby supracoŭniki minskaha AMAP u pramysłovych maštabach, masava i biaźlitasna kalečyli tysiačy biełarusaŭ biez razboru na poł i ŭzrost.
Baćkoŭskuju chatu Bałaby ŭ vioscy Haradziłava spalili. Žonka Bałaby jamu nieadnarazova zdradžvała, u tym liku ź jahonymi padnačalenymi.
Čytajcie taksama: Apublikavali razmovy žonki Bałaby, u jakich jana sprabuje schavać ad muža troch kachankaŭ, u tym liku Rusłana Alachno
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
Na post priedsiedatiela cientralnoho sovieta BFSO «Dinamo» staviat otstavnikov, čto pozvolit Bałabie v dopołnienije k połkovniċjej piensii połučať priličnyje bonusy, čtoby udovletvoriať svoju mołoduju i triebovatielnuju novuju žienu s jeho pasynkom.