Frydman: Patencyjna Hałoŭčanka moža być dla Łukašenki pahrozaj
Analityk Alaksandr Frydman u prahramie «Obyčnoje utro» razvažaje, ci pakinie Łukašenka Ramana Hałoŭčanku na čale ŭrada.
Na naradzie 4 lutaha Alaksandr Łukašenka daručyŭ stvaryć kamisiju, jakaja budzie prapanoŭvać kandydatury dla novaha składu ŭrada.
«Treba zaraz pahladzieć pa śpisie, pačynajučy ad premjer-ministra da kiraŭnika kancerna i hubiernataraŭ. Na hetaj kamisii Kačanava, Sierhiejenka, hienieralny prakuror i hetak dalej — voś hetaja viarchuška. Chaciełasia b, kab vy svaje prapanovy ŭnieśli, vaša mierkavańnie my razhledzim pry pryniaćci rašeńniaŭ», — cytuje palityka BiełTA.
«Ciapier vielmi važna sfarmavać urad mocny, jaki nie budzie chadzić i płakacca, što tam składana, tam ciažka», — dadaŭ jon.
Analityk Alaksandr Frydman u prahramie «Obyčnoje utro» razvažaje: Hałoŭčanka — vielmi daśviedčany, ambicyjny i prafiesijna padrychtavany i adroźnivajecca ad «usioj šeraj biełaruskaj namienkłatury». Akramia hetaha, Hałoŭčanka — čałaviek z samastojnymi suviaziami ŭ Maskvie, dzie jon kaliści vučyŭsia.
«U jaho tam, vidać, i suviaziaŭ, i padtrymki moža być dastatkova šmat», — ličyć Frydman i zaŭvažaje, što heta moža vielmi nie padabacca Łukašenku.
«Kali ŭjavić sabie takuju situacyju, što Maskva sapraŭdy paličyła b nieabchodnym Łukašenku zamianić, ci zdaryŭsia b fors-mažor i treba było pastavić svajho čałavieka, łajalnaha Rasii, to chiba što lepšaha kandydata, čym Hałoŭčanka, z punktu hledžańnia Rasii, znajści było b niemahčyma. I heta moža stać minusam u sistemie Łukašenki», —
prahnazuje Frydman i pravodzić paraŭnańnie z kiraŭnikom Administracyi Łukašenki Dźmitryjem Krutym.
«Kruty bolš svoj dla Łukašenki. Kruty — heta pradukt łukašenkaŭskaj epochi. A Hałoŭčanka…. Tam usio trochi składaniej.
I toje, što jon u Rasii dastatkova doŭha byŭ, što jon tam vučyŭsia, što ŭ jaho, całkam vidavočna, tam jość suviazi. I akramia taho, jon vałodaje peŭnaj charyzmaj. Jon jaje, praŭda, chavaje hałoŭnym čynam va ŭmovach hetaj sistemy. Što i zrazumieła. Ale Hałoŭčanka pakazaŭ u 2020 hodzie, što jon moža pramaŭlać, moža kamunikavać z publikaj, jon vyhladaje dastatkova sučasnym čałaviekam.
Tamu patencyjna jon moža być dla Łukašenki pahrozaj, tamu što jon nie robić uražańnie čałavieka, jaki całkam by pahadziŭsia z rollu maryjanietki, umoŭna kažučy, pry staršyni Usiebiełaruskaha narodnaha schodu Łukašenku. U hetaha čałavieka jość ambicyi, i heta vidać. I taki čałaviek moža być z časam niebiaśpiečny dla Łukašenki».
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»25
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
No tuči shuŝajutsia nad Hołovčienko, na čto ukazyvajet połnoje pierietrachivanije rukovodiaŝieho sostava apparata Sovieta Ministrov v koncie prošłoho hoda, v riezultatie kotoroho połkovniku Hołovčienko udałoś niekotorych svoich ludiej, vklučaja pomoŝnika, ustroiť na dipłomatičieskije posty v zahranučrieždienija, kotorym otviediena rol po vyvodu navorovannych kapitałov riežima za hranicu.