CVK zaćvierdziŭ vyniki čarhovych «vybaraŭ», i, zhodna z zakanadaŭstvam, urad pavinien skłaści paŭnamoctvy pierad novym prezidentam.
Zhodna z Kanstytucyjaj Respubliki Biełaruś, urad skłaŭ paŭnamoctvy — adpaviednuju pastanovu padpisaŭ Raman Hałoŭčanka. Alaksandr Łukašenka daručyŭ Ramanu Hałoŭčanku, a taksama ŭsiamu składu ŭrada, vykonvać svaje abaviazki da farmiravańnia novaha ŭrada.
Siońnia Centralnaja vybarčaja kamisija zaćvierdziła vyniki prezidenckich vybaraŭ. Jany całkam adpaviadajuć papiarednim vynikam.
Pa viersii CVK, za kandydataŭ padadziena nastupnaja kolkaść hałasoŭ vybarščykaŭ:
Hajdukievič Aleh Siarhiejevič — 119 272 hałasy vybarščykaŭ;
Kanapackaja Hanna Anatoljeŭna — 109 760 hałasoŭ vybarščykaŭ;
Łukašenka Alaksandr Ryhoravič — 5 136 293 hałasy vybarščykaŭ;
Syrankoŭ Siarhiej Alaksandravič — 189 740 hałasoŭ vybarščykaŭ;
Chižniak Alaksandr Mikałajevič — 102 789 hałasoŭ vybarščykaŭ.
Suprać usich kandydataŭ prahałasavali 213 277 vybarščykaŭ.
Takim čynam, pavodle CVK, za Alaksandra Łukašenku prahałasavali 86,82 pracenta vybarcaŭ.
Vybary 2025 hoda prachodzili pry poŭnaj adsutnaści alternatyvy, va ŭmovach niaspynnych represij suprać inšadumstva.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary