DeepSeek źbiraje danyja karystalnikaŭ i ŭ niezašyfravanym vyhladzie dasyłaje ŭ Kitaj
Vialikaje daśledavańnie paramietraŭ biaśpieki našumiełaha kitajskaha čat-botu vyjaviła, što hetych paramietraŭ amal nie isnuje. Aficyjny dadatak DeepSeek u kramach Google i Apple źbiraje pra karystalnikaŭ usio, što mahčyma, i ŭ niezašyfravanym vyhladzie dasyłaje ŭ Kitaj, adnačasova dajučy lubym kibierzłačyncam ci śpiecsłužbam mahčymaść pierachapić uvieś masiŭ pryvatnych danych. Asabliva heta tyčycca ŭładalnikaŭ techniki Apple.
Pavodle viadučych ekśpiertaŭ pa hłabalnaj kibierbiaśpiecy z bujnoj kampanii NowSecure, našumieły čat-bot DeepSeek, jakoha niadaŭna nazvali «kitajskim zabojcaj ChatGPT», maje krytyčnyja prabieły ŭ biaśpiecy i pryvatnaści, jakija ŭjaŭlajuć surjoznuju pahrozu dla karystalnikaŭ, pradpryjemstvaŭ i ŭradavych arhanizacyj pa ŭsim śviecie.
Vialikaje daśledavańnie, jakoje pieravažna kancentravałasia na aficyjnym dadatku DeepSeek dla apieracyjnaj sistemy iOS, vyjaviła, što
čat-bot źbiraje vielmi šyroki masiŭ pryvatnych danych karystalnikaŭ — imiony, asabistyja identyfikatary, paroli, miescaznachodžańnie, bijamietryju (adbitki palcaŭ i tvaru, hołas), naciskańni na ekran i hetak dalej — a zatym biez usialakaha šyfravańnia (a kali jano i jość, to vielmi staroje) adpraŭlaje ŭsie pryvatnyja danyja na sierviery kitajskaj karparacyi ByteDance, uładalnicy płatformy TikTok, jakaja ciesna źviazana z vajenna-pramysłovym i vyviedvalnym siektarami Kitaja.
Ekśpierty adznačyli, što dadatak DeepSeek niezaŭvažna adklučaje na pryładach Apple sistemu App Transport Security (ATS), jakaja abaraniaje danyja karystalnikaŭ ad pierachopu ŭ interniecie. Heta aznačaje, što chakiery ci śpiecsłužby, dziakujučy DeepSeek, mohuć uzłamać pryłady karystalnikaŭ ci navat atrymać nad imi poŭny dystancyjny kantrol.
NowSecure nastojliva rekamienduje ŭsim karystalnikam dadatku DeepSeek (nie tolki na iOS) vydalić jaho z usich svaich pryładaŭ. Na siońniašni momant dadatak spampavali bolš za 10 miljonaŭ čałaviek pa ŭsim śviecie.
Sapraŭdny košt DeepSeek, kitajskaha čat-botu, što abvaliŭ fondavy rynak ZŠA, akazaŭsia zusim nie takim
Kanał «Rośsija 1» paviedamiŭ, što DeepSeek raspracavany na asnovie savieckaha koda. Akazałasia, heta navina z satyryčnaha sajta
Apple moža zdać pryvatnyja danyja ŭsich svaich karystalnikaŭ u śviecie śpiecsłužbam Vialikabrytanii. Heta moža stać niebiaśpiečnym precedentam
Kamientary
I usie razmovy pra pryvatnaść, heta takoje sabie.
Adziny nadziejny siervis biaśpieki - heta rubilnik.
eto očievidno žie.
NIELZIA polzovaťsia ničiem rośsijskim i kitajskim.. ni alisami vsiakimi, ni jandieksami, ni dipsikami... eto cifrovoj SIFILIS. dotroniešsia i budiet płocho.