Kanał «Rośsija 1» paviedamiŭ, što DeepSeek raspracavany na asnovie savieckaha koda. Akazałasia, heta navina z satyryčnaha sajta
Rasijskija dziaržaŭnyja prapahandysty nie ŭpieršyniu ŭziali žartoŭnuju navinu z satyryčnaj «Panoramy».
U efiry kanała «Rośsija 1» raskazali, što kitajskaja niejrasietka DeepSeek była raspracavana na asnovie savieckaha koda 1985 hoda.
«Raspracoŭščyki DeepSeek raskazali, što asnovaj dla niejrasietki staŭ prahramny kod, jaki byŭ raspracavany savieckimi prahramistami jašče ŭ 1985 hodzie», — raskazali ŭ siužecie.
Vyjaviłasia, što heta navina z satyryčnaha sajta niesapraŭdnych navin IA «Panorama». Niekalki dzion tamu na hetym sajcie źjaviłasia natatka pra nasamreč nieisnujučaje intervju kiraŭnika DeepSeek Lań Veńfena.
Jon nibyta paviedamiŭ, što ŭ asnovie niejrasietki lažyć savieckaja «sistema AHAS akademika Hłuškova». Taksama Veńfeń abviaściŭ, što źbirajecca najbližejšym časam zasnavać premiju imia Viktara Hłuškova, a taksama adkryć u Piekinie muziej, pryśviečany navukovym dasiahnieńniam SSSR.
Vydumanaja navina razyšłasia pa rasijskich praŭładnych kanałach. Adnak chutka vyjaviłasia, što navina žartoŭnaja, tamu pasty pačali vydalać. Tolki praź niekalki dzion navina dabrałasia da vypusku navin na rasijskim dziaržaŭnym telekanale.
Sapraŭdny košt DeepSeek, kitajskaha čat-botu, što abvaliŭ fondavy rynak ZŠA, akazaŭsia zusim nie takim
Što dumaje našumieły kitajski čat-bot pra režym Łukašenki
Lan Veńfen — tajemny zasnavalnik DeepSeek, jaki pieraviarnuŭ śviet štučnaha intelektu
«Brama ŭ śviet biełaruskaha kantentu». Kamanda ajcišnikaŭ stvaryła biełaruskamoŭnuju ŠI-kałonku
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary