Žonka byłoha daradcy Ofisa prezidenta Ukrainy Alaksieja Arastoviča padała na razvod z mužam. Pra heta stała viadoma z dadzienych sudovaha rejestra, dostup da jakich atrymała vydańnie «Hłaŭkom».
Inicyjataram razvodu stała Anastasija Arastovič. Jana padała zajavu na skasavańnie šlubu ŭ Sałomienski rajonny sud Kijeva 11 lutaha. Data sudovaha pasiadžeńnia nieviadomaja.
Pryčyna skasavańnia šlubu taksama nieviadomaja.
Uvosień 2022 hoda Arastovič raspaviadaŭ, što choča stać prezidentam Ukrainy, a voś Anastasija tady pryznałasia, što jašče nie dumała, jakoj ža pieršaj łedzi jana mahła b być. «Kali my ź im sustrelisia, jon skazaŭ: «Ja budu prezidentam. Budziem hladzieć pa abstavinach», — kazała Anastasija.
Hod tamu, u lutym 2024 hoda, Anastasija Arastovič dała intervju błohiercy Hańnie Alickaj. Žančyny razmaŭlali ŭ Ńju-Jorku, dzie ŭ toj čas pražyvała siamja eks-daradcy Ofisa prezidenta.
Zaraz Anastasija pracuje kurataram i arhanizataram retrytaŭ i žyvych sustreč u prajekcie Space Love.
Pavodle źviestak ŚMI, Alaksiej Arastovič pakinuŭ Ukrainu ŭ pačatku vieraśnia 2023 hoda. Padstavaj dla jaho vyjezdu nibyta staŭ list HUR Minabarony. Paśla raźviedviedamstva admaŭlała hetuju infarmacyju.
Alaksiej Arastovič i jahonaja žonka ažanilisia ŭ 2015 hodzie. U pary jość ahulny syn Alaksandr. Anastasija stała dla Arastoviča treciaj žonkaj.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary