Syn prezidenta Uhandy zapatrabavaŭ ad Turcyi miljard dalaraŭ i samuju pryhožuju žančynu krainy sabie ŭ žonki
Syn prezidenta Uhandy, hałoŭnakamandujučy armijaj krainy Muchuzi Kajnieruhaba zrabiŭ u sacyjalnych sietkach šerah rezkich i pravakacyjnych zajaŭ u bok Turcyi.
Kajnieruhaba śćviardžaŭ, što Turcyja nibyta nie zdoleje supraćstajać Uhandzie ŭ vypadku vajny i navat zajaviŭ, što ŭ Stambule jaho sustreli b jak hieroja. Tamu jon zapatrabavaŭ ad Turcyi adzin miljard dalaraŭ i «samuju pryhožuju žančynu krainy» sabie ŭ žonki. A kali Turcyja admovicca, to Kajnieruhaba pryhraziŭ zakryć tureckaje pasolstva va Uhandzie.
Taksama Kajnieruhaba vykazaŭ inšyja dziŭnyja idei, naprykład, prapanavaŭ nakiravać vialikuju kolkaść ludziej u Izrail nibyta dla jaho abarony.
Takija zajavy mohuć być źviazanyja z napružanymi adnosinami pamiž Uhandaj i Turcyjaj, u tym liku z-za ŭpłyvu ŭ Samali. Uhanda z 2007 hoda trymaje svaje vojski ŭ hetaj krainie ŭ ramkach misii Afrykanskaha sajuza. Na praciahu amal dvuch dziesiacihodździaŭ uhandskija vajskoŭcy ŭdzielničali ŭ bajach suprać hrupoŭki «Aš-Šabaab», nieśli straty i značnyja vydatki. Turcyja ž źjaviłasia ŭ Samali paźniej, ale, pavodle mierkavańnia Muchuzi Kajnieruhaby, zrabiła heta vielmi efiektyŭna. Jana pabudavała ŭ stalicy krainy Mahadziša vajskovuju bazu, atrymała kantrakty na kiravańnie portam i aeraportam, a taksama ŭkłała srodki ŭ raźvićcio infrastruktury krainy.
Dadatkova ŭpłyvaje i toje, što ŭłady Uhandy padtrymlivajuć Izrail, u toj čas jak tureckaje kiraŭnictva časta jaho krytykuje.
Padobnyja vykazvańni Kajnieruhaby ŭžo nie pieršy raz vyklikajuć mižnarodny skandał. Raniej jahonamu baćku, 81‑hadovamu prezidentu Uhandy Javiery Musiavieni, jaki kiruje až z 1986 hoda, užo davodziłasia vybačacca pierad inšymi krainami za zajavy syna.
Adna z afrykanskich krain irviecca dapamahčy Izrailu ŭ Iranie
Šympanze ŭ džunhlach Uhandy viaduć samuju kryvavuju vajnu za ŭsiu historyju nazirańniaŭ. Nichto nie viedaje čamu
Viečny prezident Uhandy pieramahaje na vybarach siomy raz. Jon kiruje krainaj z 1986 hoda
Syn prezidenta Uhandy vyzvaŭsia baranić Maskvu
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary
Cikava ci strymajecca Erdahan kab žorstka na pažartavać z hetaj usiej krynžaciny?) A tak kaniešnie, śvietu jak raz nie chapała jašče adnoj vajny..
Jak tut niechta vielmi trapna skazaŭ,što ŭ budučyni historyki nazavuć naš čas - časam admarozkaŭ va ŭładzie amal pa ŭsim śviecie.