Znakamity handbolny trenier Spartak Miranovič raskazaŭ, jak jamu patelefanali machlary
Pra heta Spartak Piatrovič raskazaŭ u intervju betnews.by.
— Ty ž taksama čytaješ, jak u našych piensijanieraŭ hrošy vymańvajuć? Časam daviedvaješsia, kolki čałaviek adkłaŭ na «čorny dzień», i ździŭlaješsia — jak jon zdoleŭ stolki naźbirać?
— Vam taksama machlary dakučajuć?
— Nu a čym ja horšy za inšych? Jany ž pastajanna niešta prydumlajuć. Z apošniaha: «U vašym padjeździe źmianiajecca kod zamka». Mnie, zrazumieła, cikava, jaki ž budzie kod. Heta pieršy etap.
A potym pačynajecca nastupny, kali telefanujuć i pačynajuć pytać danyja pašparta i ŭsio, što naležyć. Tut ja ich pasyłaju i kładu słuchaŭku.
Spartak Piatrovič dadaŭ, što jaho piensija składaje 1000 rubloŭ.
Miranoviču — 87 hadoŭ. U 1976‑1991 hadach jon uznačalvaŭ minski SKA, ź jakim šeść razoŭ vyjhraŭ čempijanat SSSR pa handbole, trojčy — Kubak SSR, trojčy — Kubak jeŭrapiejskich čempijonaŭ, dvojčy — Kubak uładalnikaŭ kubkaŭ. Pry im dziesiać razoŭ SKA staŭ čempijonam Biełarusi.
Pry im zbornaja SSSR vyjhrała srebra čempijanatu śvietu (1990), zbornaja SND vyjhrała Alimpijadu ŭ 1992 hodzie.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary