Dziaržsakratar ZŠA zajaviŭ, što Tramp «vielmi zasmučany praź Zialenskaha»
Dziaržsakratar ZŠA Marka Rubia prakamientavaŭ krytyku prezidenta ZŠA na adras ukrainskaha lidara Uładzimira Zialenskaha, nazvaŭšy jaho niehatyŭnaje staŭleńnie «spraviadlivym».
U intervju žurnalistcy Ketryn Chierydž Rubia zajaviŭ, što «Tramp vielmi zasmučany praz prezidenta Zialenskaha, i heta ŭ niejkaj miery spraviadliva».
«My turbujemsia pra Ukrainu, bo heta maje nastupstvy dla našych sajuźnikaŭ i, urešcie, dla ŭsiaho śvietu. Tut pavinien być niejki ŭzrovień padziaki», — zajaviŭ jon.
Rubia taksama zajaviŭ, što sam jon «byŭ zasmučany», kali Zialenski zajaviŭ, što adchiliŭ pahadnieńnie z ZŠA pa kaštoŭnych mietałach, bo «ŭsio było nie tak».
Razam z tym siońnia paviedamlałasia, što Kijevu pieradadzieny novy prajekt pahadnieńnia pa mietałach.
Taksama dziaržsakratar ZŠA zajaviŭ, što Vašynhtonu nieabchodna padtrymlivać kanał kamunikacyi z Maskvoj, pakolki Rasija zastajecca hłabalnaj dziaržavaj.
«Urešcie, padabajecca nam heta ci nie, ale Rasija — heta dziaržava, hłabalnaja dziaržava. Jany majuć upłyŭ u Siryi, jany ŭciahnutyja ŭ Blizki Uschod, navat u Zachodnim paŭšarji, viadoma ž, u Jeŭropie. Nam nieabchodna mieć niejkuju kamunikacyju ź imi», — skazaŭ jon.
Makron: Zialenski byŭ demakratyčna abrany, u adroźnieńnie ad Pucina, jaki zabivaje svaich apanientaŭ i manipuluje vybarami
Finski deputat: Tramp daŭ Jeŭropie try tydni na zhodu z kapitulacyjaj Ukrainy. Inakš pahražaje vyvadam vojskaŭ
«Chłuślivaja istota». U adkaz na słovy Trampa ŭkrainskaje hramadstva zhurtavałasia vakoł Zialenskaha
«Zialenski spaŭ»: Tramp zajaŭlaje, što ŭ Kijevie hruba abyšlisia ź jaho ministram finansaŭ, jaki pryvioz prajekt pahadnieńnia pra nietry
Tramp nazvaŭ Zialenskaha «dyktataram biez vybaraŭ» i «siarednim pa paśpiachovaści komikam»
Kamientary