ZŠA prapanavali Kijevu abnoŭleny prajekt pahadnieńnia pa karysnych vykapniach
Surazmoŭcy z abodvuch bakoŭ kažuć, što zaklučeńnie ździełki stanovicca ŭsio bolš vierahodnym.
Administracyja prezidenta ZŠA Donalda Trampa pradstaviła Ukrainie abnoŭleny prajekt pahadnieńnia ab karysnych vykapniach, paśla taho jak ukrainski prezident Uładzimir Zialenski adchiliŭ pieršapačatkovy varyjant, paviedamlaje partał Axios sa spasyłkaj na ŭkrainskaha i amierykanskaha čynoŭnikaŭ, a taksama jašče na try krynicy.
Pavodle ich źviestak, ZŠA pradstavili Ukrainie abnoŭlenuju viersiju pahadnieńnia, u jakoj byli ŭličanyja niekatoryja aściarohi Kijeva.
«U apošnim prajekcie byli zroblenyja značnyja palapšeńni, i jon adpaviadaje ŭkrainskamu zakanadaŭstvu», — skazała krynica.
Sa słoŭ adnoj z krynic, pamočniki Zialenskaha pierakonvali jaho padpisać abnoŭleny dakumient, kab paźbiehnuć dalejšaj kanfrantacyi z Trampam.
Daradca pa nacyjanalnaj biaśpiecy Biełaha doma Majk Uołtc zajaviŭ u čaćvier, što Zialenskamu nieabchodna viarnucca za stoł pieramovaŭ pa pytańni ab karysnych vykapniach.
«Heta pieramovy. A ŭ pieramovach treba damaŭlacca. Ukraina choča vieści pieramovy ab karysnych vykapniach, i my havorym pra heta», — skazaŭ pradstaŭnik Biełaha doma.
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary