Andrej Šarenda: Paźniak abo pamylajecca, abo chłusić, što maje niejkaje dačynieńnie da vyzvaleńnia Paliny
Muž niadaŭna vyzvalenaj byłoj palitźniavolenaj Paliny Šarendy-Panasiuk Andrej Šarenda vykazaŭsia ŭ fejsbuku pra rolu ŭ vyzvaleńni jahonaj žonki vieterana biełaruskaha ruchu Zianona Paźniaka, kab, jak jon sam vykazaŭsia, «pastavić kropku».
«Zianon Paźniak albo pamylajecca, albo prosta chłusić, što maje choć niejkaje dačynieńnie da vyzvaleńnia Paliny.
Za čas źniavoleńnia ni sam Paźniak, ni chtości ź jaho kamandy nie vychodziŭ na suviaź ni sa mnoj, ni z kim z rodnych Paliny, kab uzhadnić niejkija dziejańni. A heta ŭ lubym vypadku rabić treba. Kali niešta i było zroblena im, to jamu na heta nichto z rodnych dazvoł nie davaŭ.
Kali Paźniak ličyć, što ŭzhadvańnie Paliny ŭ jaho «Navahodnim zvarocie» hod tamu choć niejak paŭpłyvała na jaje vyzvaleńnie, to chacieŭ by nahadać, što paśla hetaha Palinu nie vypuścili, a, prapuściŭšy praź piekła etapaŭ i štafnych izalataraŭ, iznoŭ prysudzili na hod kałonii.
Palina vyjšła pa skančeńni terminu. Spravu Paliny atrymałasia zaciahnuć, i jana praviała ŭ SIZA 7 miesiacaŭ, što raŭniajecca 10,5 kałonii. Za miesiac, što zastavaŭsia Palinie adbyć u kałonii, novuju spravu pa 411 užo jurydyčna nie paśpiavali aformić. Pad ciskam mižnarodnych palitykaŭ i kamiteta AAN Łukašenka nie pajšoŭ na falsifikacyju niejkaj inšaj kryminalnaj spravy i byŭ vymušany vyzvalić Palinu», — śćviardžaje Andrej Šarenda.
Šarenda-Panasiuk adkazała Paźniaku: Prapanujcie siabie na miesca palitviaźniaŭ
Paźniak: «Ja časta pamylaŭsia ŭ ludziach. Samy prosty prykład — Palina Šarenda-Panasiuk»
Paźniak vitaje mahčymuju ździełku «vyzvaleńnie palitviaźniaŭ» u abmien na sankcyi
Šarenda-Panasiuk adkazała Paźniaku pra jaho ŭdzieł u jaje vyzvaleńni i Harbunovaj pra «biessensoŭnaść baraćby»
Paźniak: Vyzvaleńnie Paliny Šarendy-Panasiuk — heta hučnaje śviedčańnie ab hatoŭnaści da pieramovaŭ ź Jeŭrasajuzam
Ciapier čytajuć
Łukašenka: U amierykancaŭ niama nijakaha płana, jany prosta zandujuć hlebu7
Kamientary