Paźniak: Vyzvaleńnie Paliny Šarendy-Panasiuk — heta hučnaje śviedčańnie ab hatoŭnaści da pieramovaŭ ź Jeŭrasajuzam
Palityk u svaim fejsbuku prakamientavaŭ vyzvaleńnie Paliny Šarendy-Panasiuk, što vyjšła na svabodu tydzień tamu pa adbyćci terminu, paśla taho jak joj dvojčy dadavali źniavoleńnie.
«Mnie daviałosia źviartacca asabista z pasłańniem da Alaksandra Łukašenki z prośbaj vyzvalić palitviaźniaŭ, spynić aryšty i represii suprać biełarusaŭ. Viaźniaŭ pačali vypuskać hrupami. A niadaŭna (tolki što) vypuścili znakavuju asobu, ab jakoj ja asabista prasiŭ, — Palinu Šarendu-Panasiuk, jakuju ŭ turmie metanakiravana katavali i šturchali ŭ mahiłu. Ciapier jana na svabodzie.
Z boku Łukašenki pavolnaje vypuskańnie viaźniaŭ, i asabliva Paliny Šarendy-Panasiuk, — heta hučnaje śviedčańnie ab hatoŭnaści da pieramovaŭ ź Jeŭrasajuzam pa pytańni vyzvaleńnia palitviaźniaŭ u abmien na spynieńnie vyznačanych (na pieramovach) ekanamičnych sankcyj. Nie pryniać hetaha sihnału ŭ takich abstavinach, mnie zdajecca, było b niedaravalnym praciaham tupikovaj palityki, admaŭleńniem ad empatyi i zdarovaha sensu», — napisaŭ Zianon Paźniak.
Pa jaho słovach, palityka ekanamičnych sankcyj, jakaja realizoŭvałasia na praciahu amal piaci hadoŭ i jakaja pryviała ŭžo da ŭsiebakovaj izalacyi Biełarusi, da paharšeńnia žyćcia biełaruskaha naroda, nie paŭpłyvała na ŭładu režymu Łukašenki i nie ŭ stanie vyrašyć prablemy palityčnych źniavolenych.
«Źjaviłasia mahčymaść realna vyciahnuć zakładnikaŭ-biełarusaŭ z turemnaj katoŭni — pryniać znaki na handal biełaruskimi dušami, jaki prapanuje Łukašenka (materyja — za dušu). Heta ciažka. (Heta, jak handal ź Piekłam.) Ale takaja jość palityka cyvilizacyi ŭ dačynieńniach z prarasijskaj dyktaturaj. Nie moža być materyjalnaść važniej za dušu», — reziumuje palityk.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary