U Homielskim rajonie bieśpiłotnik upaŭ i ŭzarvaŭsia, spaliŭ haspadarčuju pabudovu
Nočču 27 lutaha nieviadomy latalny aparat upaŭ na haspadarčuju pabudovu ŭ Homielskim rajonie i vybuchnuŭ.
Pra heta vydańniu «Fłahštok» paviedamiŭ uładalnik dačnaha ŭčastka, raźmieščanaha ŭ hetym rajonie. Paśla padzieńnia, imavierna, bieśpiłotnika, adbyŭsia vybuch, budynak byŭ całkam razburany, uźnik pažar.
Pavodle papiarednich źviestak, bieśpiłotnik zvaliŭsia ŭ rajonie vioski Ziabraŭka, jakaja znachodzicca za niekalki kiłamietraŭ na poŭnač ad vajskovaha pasiołka z takoj ža nazvaj. Dakładnyja kaardynaty miesca padzieńnia pakul nieviadomyja.
Žychary paŭdniovych uskrain Homiela paviedamlali pra huki dalokaj stralby, a kala 00:40 byŭ zafiksavany vybuch. U aficyjnych zvodkach MNS infarmacyja pra pažar u Ziabraŭcy nie zhadvajecca.
«Fłahštok» źviarnuŭsia da analitykaŭ ukrainskaha manitorynhavaha kanała «Ukrainski janot» z pytańniem, ci fiksavałasia ŭvarvańnie bieśpiłotnika z boku Ukrainy. Pavodle śpiecyjalistaŭ, u noč z 26 na 27 lutaha nie było zafiksavana pierasiačeńnia dziaržaŭnaj miažy bieśpiłotnikami va ŭkrainska-biełaruskim pamiežžy ŭ Homielskim rajonie.
Pry hetym jość dapuščeńnie, što bieśpiłotnik moh być rasijskim — typu «Šachied» («Hierań»).
Śpiecyjalisty miarkujuć, što pry palocie na nizkaj vyšyni taki aparat moža zastavacca niabačnym dla srodkaŭ SPA.
U tuju ž noč Rasija naniesła čarhovy avijaŭdar pa terytoryi Ukrainy, i hrupa rasijskich udarnych dronaŭ ruchałasia pa Čarnihaŭskaj vobłaści.
Na dadzieny momant aficyjnych kamientaroŭ pa incydencie niama.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž40
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary