«35-40 tysiač rubloŭ!» Łukašenka aburany, što ŭ sporcie niechta atrymlivaje «try zarobki prezidenta»
Na naradzie ź ministrami Alaksandr Łukašenka čarhovy raz raskrytykavaŭ stanovišča spraŭ u biełaruskim sporcie i zrabiŭ zajavu, jakaja patencyjna moža dadać surjoznych prablem fiederacyi futboła.
Łukašenka pierapryznačyŭ Siarhieja Kavalčuka na pasadu ministra sportu i turyzmu Biełarusi. U novym składzie ŭrada były achoŭnik Łukašenki budzie najstarejšym: jon kiruje ministerstvam z 2018 hoda.
Čarhovaje pieranaznačeńnie Kavalčuka ździŭlaje, uličvajučy, što Łukašenka pry lubym zručnym vypadku krytykuje biełaruski sport i pahražaje krajnimi mierami. Nie adyšoŭ ad tradycyi palityk i hetym razam. Jon anansavaŭ skaračeńnie finansavańnia biełaruskaha sportu, piša BiełTA.
«Što tyčycca žorstkich patrabavańniaŭ pa zarobkach, padatkach i inšaje, papiaredźcie ŭsich: chaj rychtujucca da prystojnych źmienaŭ. Heta ž nie sprava, što my za biudžet usich utrymajem. I ŭžo i žaba, i vožyk — usio za biudžet», — skazaŭ Łukašenka Kavalčuku.
Jon taksama paraŭnaŭ zarpłaty niekatorych trenieraŭ sa svajoj i aburyŭsia.
«A to my siońnia spračajemsia pa zarpłacie i inšaje. Niekatoryja ŭ nas treniery, jakija ŭ płej-of nie trapili ŭ asobnych vidach sportu, jany atrymlivajuć try zarpłaty prezidenta. Pa 35-40 tysiač rubloŭ. Tamu ŭsio treba pryvodzić u adpaviednaść», — adznačyŭ Łukašenka.
Raskrytykavaŭ jon i biełaruski futboł — adziny hulniavy vid sportu, u jakim zbornyja Biełarusi nie adchileny ad mižnarodnych spabornictvaŭ. Tut jon zakranuŭ daŭni kanflikt pamiž Kavalčukom i kiraŭnikom fiederacyi futboła Mikałajem Šarstniovym. I faktyčna zaniaŭ bok pieršaha.
«Ale ja vam užo kazaŭ. Vam treba hetuju vałakitu z Šarstniovym spynić. Kali Šerstnioŭ nie zdolny pracavać na hetaj pasadzie, značyć, budziem šukać inšaha čałavieka. Ale da vyrašeńnia vašaj sprečki adzin šlach — vynik. Ty jak spartsmien heta dobra viedaješ. Jość vynik — dobra. Niama vyniku — drenna. Mnie šmat tut kazali, raskazvali, ale ja nie baču ŭ futbole pakul vyniku», — zajaviŭ Łukašenka.
Takaja zajava patencyjna moža dadać prablem biełaruskim futbole. Zhodna z statutami FIFA i UEFA dziaržavy nie majuć prava ŭmiešvacca ŭ spravy futbolnych asacyjacyj, tym bolš u ich kadravuju palityku. Za parušeńnie hetaha praviła krainu mohuć adchilić ad udziełu va ŭsich mižnarodnych spabornictvach na ŭzroŭniach zbornych i kłubaŭ.
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika8
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary