Znajšłosia jašče adno paćviardžeńnie taho, što «Amkadoram» kiruje nie Šakucin, a mieniedžary BiełAZa
«Lusterka» atrymała ad «Biełpoła» davieranaść, jakuju vypisaŭ hienieralny dyrektar BiełAZa.
U dakumiencie paviedamlajecca, što BiełAZ źjaŭlajecca časovym źniešnim kiraŭnikom na «Amkadory». Ukazana i padstava dla hetaha — rašeńnie Minskaha harvykankama dla słužbovaha karystańnia ad 3 studzienia 2025 hoda.
Hienieralny dyrektar BiełAZa Siarhiej Lesin daje namieśniku hienieralnaha dyrektara «Amkadora» Vadzimu Žuku prava padpisvać raznastajnyja dakumienty, vydavać davieranaści dyleram i zaviarać kopii dakumientaŭ.
Nahadajem, 14 sakavika «Našaj Nivie» stała viadoma, što Alaksandr Šakucin bolš nie ŭłaśnik svajho mašynabudaŭničaha chołdynhu «Amkador».
Dziaržava adabrała ŭ kamiersanta kampaniju, addaŭšy jaje pad kantrol BiełAZa. Sam Šakucin z pačatku hoda nie fihuruje na pratakolnych fota z «Amkadora» i, mahčyma, čakaje, pakul skončycca bura ŭ Rasii.
Kamientary